Quantcast
Channel: हक और बातिल
Viewing all 658 articles
Browse latest View live
↧

YATEEM ,Rehmat,PASAND-NA PASAND,Aalim e Deen ki Maut, Rizq hadis

July 6, 2018, 11:35 am
$
0
0




"(Take) Duniya wa Akherat mein (fikr karo) aur tum se YATEEMO ke bare mein sawal karte hain, kah do ke un


 ke kaam ki islah karna behtar hai aur agar apni zindagi ko unki zindagi mein mila lo (to koi harj nahi), wo tumhare deeni bhai hain, (aur unse ek Bhai ka sulook karo). Khuda Mufsedeen ko Musleheen mein se pahchanta hai aur agar Khuda chahe to tumhe zehmat o takleef mein dal de (aur hukm de de ke Yateemo ki sarparasti karne ke sath sath apni zindagi aur amwal kamelan unke Maal se juda rakho lekin aisa nahi karta), kiyonki Woh Tawanah aur Hakeem hai."
(Surah Baqarah: 220)

Imam Ali (as):
"Jab koi Momin kisi Yateem ke sar par hamdardi se haath pherta hai to Allah uske haath ke niche aaye HAR BAAL ke badle Neki likhta hai."
(Rehmat Aagosh e Tauba)
Rasule khuda(saww):
"Aye Ali ! Jibrail 7 wajah se insaan ban'na chaahte the, wo ye hai
(1) Namaaze Jamaat
(2) Aalimo'n ki sohbat
(3) Do logo'n me sulah karwana
(4) Yateemo'n ki izzat karna
(5) Beemaro'n ko milne jaana
(6) Janaaze me sharik hona, aur
(7) Zaairo'n ko paani pilaana.
(A Bundle of Flowers)

Imam Sajjad (as):
"Aye Maabuud! Apni maafi par meri zindagi ko tamaam kar aur Apni Rehmat ki ummeed me mere amal ko saabit qadam rakh…aur har haal me mere amal ko achcha kar de."
(Dua e Makaarimul Akhlaaq)
Imam Ali (as):
"Agar namaz padhnewale ko ilm ho jaye ke kaisi rehmato'n ne usay gher rakkha hai to wo kabhi sajde se sar na uthaye."
(Tajalliyaat e Hikmat)

Rasule Khuda (saww):
"Ek zamana aayega jab meri ummat 5 cheezei’n pasand karegi aur 5 cheezo’n ko napasand -
👉Wo is duniya ko pasand karegi aur iske baadwali duniya (Aakherat) ko bhool jaayegi,
👉Wo maal pasand karegi aur (Roz e) Hisaab ko bhool jayegi,
👉Mard duniya ki (Faahesha) aurato'n ko chaahenge aur Hoor ko bhool jayenge,
👉Wo oonchi imaarat (buildings) pasand karenge aur kabro'n ko bhool jaayenge aur
👉Wo apne aap ko pasand karenge aur Allah ko bhool jaayenge.
Aise log mujhe na-pasand karte hain aur main unhe."
(A Bundle of Flowers)
Imam Sajjad (as):
"Aye Rab! Mere dil mein parhezgaari daal aur paak se paak baat ki mujhe taufeeq de, jo kaam Tujhe pasand hai wohi mujh se le."
(Dua e Maqaarim Akhlaaq)
Imam Ali (as):
"Har oos kaam se bacho jo insaan apne liye to pasand karta ho aur aam Musalmaano'n ke liye usay na-pasand karta ho."
(Meezan ul Hikmah, v7)

1. Imam Sadiq (as):
Shaitaan ki liye Aalim e Deen ki Maut har Momin ki Maut se zyada mehboob hai.
(Usool e Kaafi, v1, p82)
2. Imam Kazim (as):
Jab koi Momin Faqih MAR jaata hai to Farishte uske liye rote hain aur zameen ke wo hisse rote hain jin par usne Allah(swt) ki Ibaadat ki ho.
(Usool e Kaafi, v1, p83)
3. Imam Sadiq (as):
Jab koi Aalim e Deen mar jaata hai to Islam mein aisi daraar padd jaati hai jise koi cheez bund nahi kar sakti.
(Al Kaafi, v1, p82)
(The death of a believer scholar causes such a cleft in (the fortress of) Islam as can never be repaired by anything)
(Al Kafi, v1, part 1, The Book Of Excellence Of Knowledge -2, p95)

Imam Ali (as):
"Jo apni Aakherat sa'nwaar lega, Allah uski Duniya sa'nwaar dega."
(Tajalliyate Hikmat)
Allah (swt):
"Kitne Maaldaar log is Duniya se gaye apna Maal yahin chhodkar aur Aakherat mein gaye Tanha, Gareeb aur apne kartuut pe sharminda?"
(Al-Hadith Al-Qudsi)
Hazrat Isa (as):
"Duniya aur Aakherat ki misaal [ek shakhs ki] 2 biwi jaisi hai. Wo agar ek ko raazi karega to doosri uspe gussa ho jaayegi."
(Mishkaat ul Anwaar)
Imam Ali (as):
"Duniya Daulat se haasil ki jaati hai aur Aakherat Amal se."
(Tajalliyate Hikmat)
Rasule Khuda (saww):
"Allah ne bewaqufo'n ko Rizq is liye ataa kiya taaki Aqalmand samajh le ke Rozi Haasil karne ka taalluk chhal, kapat, saazish, daga-baazi se NAHI hai."
(Rizq)
Rasule khuda (saww):
"Bande ka rizq usay uski maut se zyaada shiddat se (tezi se) talaash karta hai."
(Anecdotes for Reflection III)


-


↧
Search

KHANA KHAANE MEIN BARKAT

July 6, 2018, 11:37 am
$
0
0




KHANA KHAANE MEIN, GHAR MEIN AUR RIZQ MEIN BARKAT
1. Imam Ali (as):
Agar Barkat chaahte ho to khana khaane ke liye jab baithho to haath zaroor dho lo, chaahe pehle se saaf hi kyun na ho'n.
(Tibb e Imam Reza (as), p55)
2. Imam Sadiq (as):
Khana khaane se pehle jab haath dhoya karo to rumaal, wagairah se mat saaf kiya karo kyun ki jab tak haath mein tari (gilaa-pan / wetness) rehti hai, khaane mein barkat rehti hai.
(Tehzeeb e Aal e Muhammad (as), p84)
3. Rasule Khuda (saww):
Jo shakhs chahta hai ke uske ghar mein khair o barkat ho to aise shakhs ko khana khaane ke waqt Wuzu karna chahiye.
(Aasmani Nasihatein, v2, p138)
4. Imam Ali (as):
Garm khaane ko thhanda hone diya karo kyun ki J. Rasule Khuda (saww) ke paas jab garm khana laaya jaata tha to aap farmaya karte the ke thhanda hone do, Allah Ta’ala ne hamara khana aag nahi banaya hai aur thhande khaane mein barkat bhi hoti hai.
(Tehzeeb e Aal e Muhammad (as), p77)
5. Imam Reza (as):
Roti chhoti chhoti pakaao, ke isme har giroh ke liye barkat hai.
(Tibb e Imam Reza (as), p49)
6. Rasule Khuda (saww):
Jab koi khana khaaye aur apni ungliyaa’n chaatt le to Allah Ta’ala uske Rizq mein barkat dega.
(Tehzeeb e Aal e Muhammad (as), p78)
7. Imam Ali (as):
…Aye Kumail! Jab khana khaane baithho to usay tuul do (prolong / zyada deyr tak baithho) taaki tumhare saathi bhi peyt bhar kar kha le. Aye Kumail! Jab khana kha chuko to Allah ki Rozi par uski Hamd o Sanaa karo aur ba-awaaz e buland karo taake doosre bhi uski Hamd karein is tarah tumhara Ajr (sawaab) zyada hoga. Aye Kumail! Apne peyt ko khaane se na bharo balke usme paani aur saa'ns lene ki gunjaaish rakho.
(Wasaail ush Shia, v16, p324)
★KHANA KHAANE MEIN BARKAT
1. Imam Ali (as):
Jism ki quwwat khana khaane mein hain aur Ruuh ki quwwat khana khilaane mein hain.
(Miskhat ul Anwaar)
2. Rasule Khuda (saww):
Jism ki giza khana khana aur Ruuh ki giza khana khilana hai.
(Meezan ul Hikmah, v5)
3. Imam Reza (as):
Jo shakhs Sakhi (generous) hota hai wo logo'n ka khana khaata hai taaki log bhi uska khana khayein aur jo kanjoos hota hai wo logo'n ka khana is liye nahi khaata taaki log bhi uska khana na khayein.
(Wasaail ush Shia, v16, p326)
4. Imam Reza (as):
Mard 4 qism ke hain: Sakhi, Kareem, Bakheel aur Laeem. Sakhi wo hai jo khaata hai aur deta hai. Kareem wo hai jo khud nahi khaata aur doosro'n ko deta hai. Bakheel (Kanjoos) wo hai jo khud khaata hai aur doosro'n ko nahi deta. Laeem wo hai jo na khud khaata hai aur na auro'n ko deta hai.
(Jaame ul Akhbaar, p195)
5. Rasule Khuda (saww):
Dozakh mein kam se kam darje ka azaab 'Ibne Jaz'aan' ko milega, is liye ke wo logo'n ko khana khilaya karta tha.
(Meezan ul Hikmah, v2, p276)
6. Imam Ali (as):
Juud o Sakhaawat Khaane mein hai na ke Maal mein. Lihaza, jo kisi ko 1000 (dinaar) bhi de de magar khaane ki plate se rok de to wo Sakhi nahi hai.
(Tajalliyaat e Hikmat, ch102)
7. Rasule Khuda (saww):
Parhez-gaaro'n ko apne dastar-khwaan par khana khilaao aur Momeneen se husn e sulook rakho.
(Hadiyat ush Shia, p28)
8. Imam Sadiq (as):
Jab tumhara (Deeni) bhai (bin bulaaye) aaye to usay wo kuchh pesh karo jo tumhare paas maujood hai aur agar usay daawat di hai to phir uske liye takleef (tayyari) karo.
(Wasaail ush Shia, v16, p330)
9. Rasule Khuda (saww):
Apne mehmaan ke saath khana khaane baitho, kyun ki wo akele khaane mein sharm mehsoos kar sakta hai.
(Nahjul Fasaha)
10. Imam Sadiq (as):
Rasule Khuda (saww) (ka ye dastoor tha ke wo) jab mehmaano'n ke saath khana khaate the to sabse pehle haath badhate the (sab se pehle khana shuru karte the) aur sab se aakhir mein haath uthhate the (sabse aakhir mein khana khatm karte the) taaki log (tasalli se) khaayein.
(Wasaail ush Shia, v16, p340)
11.MOMIN KE GHAR MEIN ACHCHI TARAH AUR KHUSH HO KAR KHANA CHAHIYE AUR ZYADA KHANA CHAHIYE AUR KISI QISM KI KOTAAHI AUR SHARM NAHI KARNA CHAHIYE
Imam Sadiq (as):
…Kisi shakhs ki kisi se dosti ka pataa is baat se chalta hai ke wo uske yahaa'n khush ho kar khana khaata hai..
(Wasaail ush Shia, v16, p333)
12. Imam Sadiq (as):
Oomda khana khilaao, apne dosto’n aur saathiyo’n ko bulaao aur unke saath khaao aur khilaao.
(Tehzeeb e Aal e Muhammad (as), p72)
13. Riwayat:
Imam Sadiq (as) aksar oomda rotiyaa’n, behtareen firni aur lazeez halwa logo’n ko khilaya karte the aur kaha karte the ke jab Allah Ta’ala hamare liye faraakhi karta hai (zyada nawazta hai) to hum bhi faraakh dili se logo’n ko khilaate hain aur jis waqt kam mayassar aata hai, oos waqt hum bhi oosi ke mutaabiq kharch karte hain
(Tehzeeb e Aal e Muhammad (as), p71)
14. Imam Sadiq (as):
Halaakat hai oos aadmi (mezbaan) ke liye ke wo jo kuchh apne bhai (mehmaan) ko pesh kare usay haqeer (kam aur halke darje ka) samjhe aur halaakat hai oos (mehmaan) ke liye jo usay haqeer samjhe jo kuchh usay pesh kiya jaaye.
(Wasaail ush Shia, v16, p329)
15. Imam Baqir (as):
Allah ki bargaah mein sab se pasandida amal ye hai ke Momin ko khush kiya jaaye uski shikam-seyri kar ke (usay peyt bhar ke khana khila ke) ya uska qarz adaa kar ke.
(Wasaail ush Shia, v16, p335)
16. Imam Sadiq (as):
Jo shakhs kisi Momin ko khana khilaaye to Roz e Qayamat uski Jazaa (reward) ko koi nahi jaan sakta hai..
(Tauba Aagosh e Rehmat)
17. Imam Sadiq (as):
Ek mard e Musalman ko khana dena mere nazdeek 10000 gulaam azaad karne se behtar hai.
(Al Kaafi, v4, p120)
18. Imam Sadiq (as):
Agar main tumhare bazaar se 5 dirham ka khana khareed kar ke kuchh Musalmano'n ko khilaaoo'n to wo mere liye ek gulaam azaad karne se zyada pasandida hai.
(Al Kaafi, v4, p121)
19. Imam Baqir (as)
se puchha gaya ke Gulaam azaad karne ke masaawi (baraabar / equivalent) aur kya hai? Farmaya, "Ek mard e Musalman ko khana khilaa dena".
(Al Kaafi, v4, p121)
20. Imam Baqir (as):
Allah ki bargaah mein sab se pasandida amal ye hai ke Momin ko khush kiya jaaye uski shikam-seyri kar ke (usay peyt bhar ke khana khila ke) ya uska qarz adaa kar ke.
(Wasaail ush Shia, v16, p335)
21. Imam Sadiq (as):
Jo shakhs kisi Momin ko khana khilaaye to Roz e Qayamat uski Jazaa (reward) ko koi nahi jaan sakta hai..
(Tauba Aagosh e Rehmat)
22. Imam Sadiq (as):
Jo kisi MOMIN ko Allah ki khaatir Khana khilayega to usay ek laakh logo'n ko khana khilaane ka sawab milega.
(Sawaabul Aamaal o Iqaabul Aaamal)
23. Imam Sadiq (as):
Jo kisi Momin ko Mithhai ka Ek luqma khilaega to Allah oos se Roz e Qayamat ki talkhi (kadwaahatt) duur karega.
(Sawaabul Aamaal o Iqaabul Aaamal)
24. Riwayat
hai ke agar koi Ek Laakh dirham kharch kar ke khana tayyar kare magar EK HI Momin haazir ho kar khana khaye (to mezbaan ka) Israaf (fuzool kharch) karne waalo'n mein shumaar nahi'n hoga.
(Nawaadirul Ahadees, v1, p161)
25. Imam Sadiq  (as):
Jo kisi Momin ko Allah ki  khaatir  KHANA  KHILAEGA  to usay EK LAAKH logo'n  ko khana khilaane ka sawab  milega.
(Sawaabul Aamaal)
★DIKHAAWE/SHOW-OFF) KI KHAATIR  KHANA KHILANA
25. Rasule Khuda (saww):
Jo shakhs Riya (dikhaawe / show-off) ki khaatir logo'n ko khana khilaaye Khuda usay utni hi Jahannum ki peep khilayega aur uske riya-kaari wale khaane ko uske peyt mein Jahannum ki aag banayega jab tak logo'n ke darmiyaan faisle farmayega.
(Wasaail ush Shia, v16, p343)
26. Rasule Khuda (saww):
Jo logo'n ko dikhaane ke liye kisi ko khana dega to Allah usay Jahannum ka Sadid khilayega; jo pyet mein jaate hi aag ban jayega.
(Sawaabul Aamaal o Iqaabul Aaamal)
★MISKEEN/FAQEER KO KHANA KHILANA 
27. Rasule Khuda (saww):
Miskeeno'n / faqeero'n ko wo Khana mat do jo tum khud nahi khaate.
(Nahjul Fasaha)

28. Rasule Khuda (saww)
se ek shakhs ne puchha ke kya maal mein Zakaat ke siwa aur bhi kuchh haq hai? Aap ne farmaya, “Haa’n. Musalmano’n ko chahiye ke jab koi bhooka sawaal kare to usay khana khilaaye, jab barehna libaas maange to usay kapda pehnaye.” Usne kaha, “Darr rehta hai ke wo shayad jhoot bolta ho.” Aap ne farmaya, “Ye bhi to khauf e Khuda hona chahiye ke wo sach bolta ho."
(Jaame ul Akhbaar, p241)



↧
↧

MASJID ahadis

July 6, 2018, 11:39 am
$
0
0



1. Allah (swt):
Tumhe apne ghar se lagao hai aur tum usme rehna pasand karte ho, magar jab Mere Ghar mein aate ho to bechaini mehsus karte ho!
(Al-Hadith Al-Qudsi)
2. Imam Sadiq (as):
'Tawraat' mein likha hai ke zameen par Mere ghar Masajid hai. Khush qismat hai wo banda jo apne ghar Wuzu kar ke Mere ghar Meri Ziyarat ke liye aata hai. Jaan lo ke Ziyarat karwaane waale ke liye Zaireen ki takreem (izzat / honour) karna zaruri hai.
(Sawaabul Aamaal o Iqaabul Aaamal, p59)
3. Imam Sadiq (as):
Jo koi Masjid banaye, Allah Jannat mein uske liye ghar banata hai.
(Furoo e Kafi, v2, p149)
4. Rasule Khuda (saww):
Jo shakhs Masjid banaye agar che chhoti ho, Allah uske liye Jannat mein ghar banayega.
(Hadiyat ush Shia, p18)
5. Rasule Khuda (saww):
Masjid parhez-gaaro'n ka ghar hai.
(Hadiyat ush Shia, p7)
6. Rasule Khuda (saww):
Jo shakhs Jamaat (Namaz) ke liye Masjid ki taraf chal kar jaaye, uske liye har ek Qadam ke badle 70000 nekiyaa’n aur utna hi uske darjaat (levels) buland kiye jayenge. Agar wo is haalat mein mar jaaye to Allah uske liye 70000 Farishte muqarrar karta hai jo Qabr mein uske paas aate jaate rehte hain, Qabr ki tanhaai mein uske saath mohabbat ka izhaar karte hain aur uske liye Astagfaar karte hain aur ye silsila uske dobara Qabr se uthaaye jaane tak jaari rahega.
(Meezan ul Hikmah, v4)
7. Imam Sadiq (as):
Behtar hai ke Masjid mein daakhil hote waqt daahina payr (right foot) aage rakhe aur nikalte waqt baaya'n (left).
(Furoo e Kafi, v2, p61)
8. Imam Sadiq (as):
Jab Masjid mein daakhil ho ya wahaa'n se niklo to Muhammad (saww) o Aal e Muhammad (as) par Durood bhejo.
(Furoo e Kafi, v2, p61)
9. Rasule Khuda (saww):
Namaz ke intezaar mein Masjid mein baithhna Ibadat hai jab tak wo 'Hadas' nahi karta. Logo'n ne jab Hadas ka matlab puchha, to aap ne kaha, “Geebat”.
(Islamic Morals, Backbiting Prohibited)
10. Rasule Khuda (saww):
Aakhri zamane mein meri Ummat mein kuchh aise log bhi honge jo Masjid mein aa kar halqa baandh (circle / group banaa) kar baithha karenge aur duniya aur hubb e duniya ka zikr karenge. Tum unke paas na baithhnna kyun ki Allah ko unki koi haajat nahi hai.
(Irshadaat e Masumeen (as), p14)
11. Rasule Khuda (saww):
Jo koi Jumeraat aur Shab e Juma ko Masjid mein safaai kare aur Masjid mein se aa'nkh mein padne waale tinke ke barabar dhuul aur mitti baahar nikaale to Khuda uske gunah maaf farmayega.
(Amaali - Shaikh Sadooq, p465)
(Sawaabul Aamaal o Iqaabul Aaamal (Naseem e Behisht), p69)
12. Riwayat:
Ek shakhs Masjid mein daakhil huwa. H. Rasule Khuda (saww) wahaa'n par baithhe huwe the. Usay dekh-kar aap pichhe hatt gaye (aur uske liye jagah khaali kar di).
Ye dekh kar usne kaha, "Ya Rasulallah (saww), jagah to kaafi khuli hai".
Aap (saww) ne farmaya, "Ek Musalman ka dusre Musalman par ye haq banta hai ke jab wo usay dekhe ke uska baithhne ka irada hai to uske liye jagah khaali kar de".
(Meezan ul Hikmah, v2, p101)
13. Imam Sadiq (as):
Kabhi kabhi 2 aadmi Masjid mein daakhil hote hain aur unme se ek Aabid hota hai aur doosra Faasiq (gunah-gaar) hota hai. Magar jab Masjid se baahar aate hain to Aabid faasiq hota hai aur Faasiq aabid hota hai, is liye ke jab Aabid Masjid mein daakhil hota hai to usko apni Ibadat par naaz hota hai aur wo isi ko sochta rehta hai aur jab Faasiq daakhil hota hai to wo apne fisq (gunah) par sharminda hota hai aur Allah uske gunaho'n ko maaf kar deta hai.
(Elal ush Sharaye, p278)
14. Rasule Khuda (saww):
Jo shakhs Masjid mein chiraag jalata hai (light lagata hai) to Malaika aur Haamilaane Arsh oos waqt tak uske liye Astagfaar karte hain jab tak uski roshni baaqi rehti hai.
(Jaame ul Akhbaar, p110)
15. Imam Sadiq (as):
Sab se achcha wo shakhs hai jo marte waqt 3 cheezein chhor kar jaaye. 1) Nek farzand chhor kar jaaye jo uske liye Astagfaar karta rahe, 2) Koi achchi sunnat aur rawish chhor kar jaaye jin par iske baad (is amal e khair mein) uski iqteda (follow) ki jaaye, 3) Aisa Sadqa Jaariya kare jo uske baad bhi jaari rahe (maslan (for eg.) koi Masjid banaa kar jaaye)
(Amaali - Shaikh Toosi, v2, p228)
16. Rasule Khuda (saww):
Jo shakhs Jamaat (Namaz) ke liye Masjid ki taraf chal kar jaaye, uske liye har ek Qadam ke badle 70000 nekiyaa’n aur utna hi uske darjaat (levels) buland kiye jayenge. Agar wo is haalat mein mar jaaye to Allah uske liye 70000 Farishte muqarrar karta hai jo Qabr mein uske paas aate jaate rehte hain, Qabr ki tanhaai mein uske saath mohabbat ka izhaar karte hain aur uske liye Astagfaar karte hain aur ye silsila uske dobara Qabr se uthaaye jaane tak jaari rahega.
(Meezan ul Hikmah, v4)
17. Imam Sadiq (as):
Behtar hai ke Masjid mein daakhil hote waqt daahina payr (right foot) aage rakhe aur nikalte waqt baaya'n (left).
(Furoo e Kafi, v2, p61)
18. Imam Sadiq (as):
Jab Masjid mein daakhil ho ya wahaa'n se niklo to Muhammad (saww) o Aal e Muhammad (as) par Durood bhejo.
(Furoo e Kafi, v2, p61)


↧

naam ahadis

July 6, 2018, 11:40 am
$
0
0


1. Allah (swt) ke Naam
1. Rasule Khuda (saww):
Allah ke 99 naam hai, jo koi Usay in naamo'n se pukarega uski Dua mustajab hogi aur jo koi inhe yaad karega wo Jannat mein daakhil hoga.
(Uddatud Dai)
2. Allah (swt):
Main RAHMAN hoo'n aur RAHEM ko Maine Apne ek naam se banaya hai, lihaza jo Sil e Rahem (rishtedaro'n se neki) kare Main usko achcha Sila (reward) doo'nga.
(Mishkaat ul Anwaar (Urdu)
3. Imam Sadiq (as):
Jin kaagazo'n mein Allah ka naam likha huwa ho to usay hargiz nahi jalaana. Pehle jahaa'n jahaa'n zikr e Khuda ho usay mitaa do (erase it) phir unhe phaadd sakte ho, ya paani se dho sakte ho, ya arq e gulaab se dho daalo. Allah ne qalam se kaatne ya jalaane se manaa farmaya hai.
(Aqwaal e Masoomeen (as), p151)
2. Jannat ke Naam
1. Rasule Khuda (saww):
Jannat mein ek ghar hai jiska naam 'Daar ul Farah' (Khushi ka ghar) hai. Usme sirf wohi shakhs jayega jo Momeneen ke Yateem bachcho'n ko khush karta hoga.
(Meezan ul Hikmah, v4, p739)
2. Rasule Khuda (saww):
Jannat mein 8 darwaze honge. Uske ek darwaze ka naam 'Rayyaan' hoga. Oos darwaze se sirf Roza-daar hi daakhil ho'nge.
(Tafseer Noor us Saqlain, v7, p376)
3. Makkah ke Naam
1. Imam Sadiq (as):
Makkah ke 5 naam hain:
1) Ummul Qura,
2) Makkah,
3) Bakkah,
4) Basaasah (yaani halaak karne wala Sheher aur is naam ki wajah ye hai ke jab bhi kisi zaalim ne Makkah ka rukh kiya to Allah ne usay halaak kar diya), aur
5) Umme Rahem, ye Rehmat e Khuda ka markaz hai, jo yahaa'n par reh jaata hai to Allah ki Rehmat ka mustahaq (eligible) ban jaata hai.
(Tafseer Noor us Saqlain, v2, p138)
2. Imam Sadiq (as):
'Makkah' poore sheher ka naam hai aur 'Bakkah' oos makhsoos jagah ka naam hai jahaa'n Baitullah (Khaane Kaaba) hai.
(Tafseer Noor us Saqlain, v2, p138)
4. Rasule Khuda (sawa) Ke Naam
1. Imam Sadiq (as):
'Yaseen' H. Rasule Khuda (saww) ka naam hai aur 'Aal e Yaseen' hum hain.
(Irshadaat e Masumeen (as), p113)
2. Imam Sadiq (as):
Hamare yahaa'n jo bachcha bhi paida hota hai, hum uska naam 'Muhammad' rakh dete hain. Aur jab 7 din guzar jaayein to agar chahein to naam badal dete hain ya usay bahaal (continue) rakhte hain.
(Wasaail ush Shia, v15, p122)

3. Rasule Khuda (saww):
Jab koi giroh kisi baat par mashware ke liye jamaa ho to unme aisa shakhs aa jaaye jiska naam MUHAMMAD ya AHMAD ho aur wo log usay mashware mein shaamil kar le to unhe bhalaai naseeb hogi.
(Uyoon Akhbaar ar Reza, v2, p80)
4. Imam Baqir (as):
Rasulallah (saww) ka naam H. Ibrahim (as) ke sahifo'n mein 'Haani' tha aur H.Musa (as) ki Taurait mein 'Haad' aur H. Isa (as) ki Injeel mein Ahmed (saww) hai aur Quran e Majeed mein Muhammad (saww) hai.
(Irshadaat e Masumeen (as), p125)
5. Rasule Khuda (saww):
Saahi maani mein Kanjoos wo hai ke jiske saamne mera naam lene mein aaye aur wo mujh par Durood (Salwaat) na bheje.
(Meezan ul Hikmah)
6. Riwayat:
Riwayat mein hai ke jab bhi Imam Jafar Sadiq (as) Rasule Khuda H. Muhammad Mustafa (saww) ka naam sunte the to adab se sar jhukaate the aur unpar Salwaat bhejte the.
(al-islam.org/encyclopedia)
5. Janabe Fatima (s.a) Ka Naam
1. Imam Sadiq (as):
J. Fatima (sa) ka naam Zahra is liye hai ke jab wo moazzama Mehraab e Ibadat mein khadi hoti thi to aap ka noor aasmaan waalo'n ke liye is tarah chamakta jis tarah zameen waalo'n ke liye Chaand chamakta hai.
(Elal ush Sharaaye, p137)
2. Imam Sadiq (as):
H. Fatima Zahra (sa) ka ek naam Muhaddisa hai aur Muhaddisa oos khaatun ko kaha jaata hai jis se Malaaika guftagu karte ho'n.
(Tafseer Noor us Saqlain, v2, p75)
3. Rasule Khuda (saww):
Main ne apni dukhtar ka naam Fatima (sa) rakkha kyun ki Allah ne unhe aur unke mohibbo'n ko Dozakh se azaad kiya huwa hai.
(Uyoon Akhbaar ar Reza, v2, p112
4. Imam Sadiq (as):
Bibi Fatima (sa) ke liye Allah ke yahaa'n 9 naam hai:
1) Fatima (sa),
2) Siddiqa (sa),
3) Mubaraka (sa),
4) Tahira (sa),
5) Zakiya (sa),
6) Raziya (sa),
7) Marziya (sa),
8) Muhaddisa (sa) aur
9) Zahra (sa).
(Amaali - Shaikh Sadooq, p552)
6. Insaan ka Naam Insaan Q
Imam Sadiq (as):
Insaan ka naam Insaan is liye rakkha gaya kyun ki usko Nisyaan hota hai, yaani wo bhool jaata hai.
(Elal ush Sharaaye, p11)
7. (six) 6 Paighambaro'n ke 2 Naam hain
Imam Ali (as):
6 Paighambaro'n ke 2 naam hain:
1) H. Yusha bin Noon (as) ya Zulkifl,
2) H. Yaqoob (as) ya Israel,
3) H. Khizr (as) ya Hilqqiya,
4) H. Yunus (as) ya Zun Noon,
5) H. Isa (as) ya Maseeh,
6) H. Muhammad (saww) ya Ahmed (saww).
(Khisaal, ch6)
8. Ameerul Momeneen (a.s)
Imam Sadiq (as)
se puchha gaya ke kya Qaem e Aal e Muhammad (Imam e Zamana) (atfs) ko Ameerul Momeneen keh kar salaam karna jaayez hai? Aap ne farmaya, "Ye wo naam hai jis se Khuda Wande Aalam ne sirf aur sirf H. Ameer (H. Ali) (as) ko makhsoos kiya hai. Na aap se pehle kisi ka ye naam rakkha gaya aur jo aap ke baad apna ye naam rakhega wo kaafir hoga…"
(Wasaail ush Shia, v10, p328)
9. Duniya ka Naam
1. Imam Ali (as):
Duniya ka naam duniya rakkha hi isi liye gaya hai ke ke wo har shai (cheez) se pust (inferior / heen) hai aur Aakherat ko Aakherat is liye kehte hain ke usme jazaa o sawaab hai.
(Meezan ul Hikmah, v3, p533)

2. Rasule Khuda (saww)
se sawaal huwa ke duniya ko duniya kyun kehte hain? Aap (saww) ne farmaya, "Kyun ki duniya pust (inferior / heen) hai aur Aakherat ke baghair khalq huwi hai. Agar Aakherat ke saath khalq hoti to jis tarah Aakherat waalo'n ke liye fanaa nahi hai, isi tarah duniya waalo'n ke liye bhi fanaa na hoti". Raawi ne phir puchha, "Mujhe bataayein ke Aakherat ko Aakherat kyun kehte hain?" Aap (saww) ne farmaya, "Is liye ke ye pichhe hai aur duniya ke baad aayegi, jiske na to saalo'n ki tauseef ki jaa sakti hai, na hi uske dino'n ka shumaar ho sakta hai aur na hi uske rehne waalo'n ko maut aayegi".
(Meezan ul Hikmah, v3, p534)
10. Bachcho ke Naam
1. Imam Ali (as):
Bachche ka maa-baap par ye haq hai ke uska achcha naam rakhein, achchi tarbiyat karein aur Quran padhaayein.
(Aasmani Nasihatein, v2, p123)
2. Rasule Khuda (saww):
Jis shakhs ke yahaa'n 4 bete paida ho'n aur wo unme se kisi ek ka naam bhi mere naam par na rakhe to usne mujh par jafaa ki.
(Wasaail ush Shia, v15, p122)
3. Rasule Khuda (saww):
Jab tum apne farzand ka naam 'Muhammad' rakkho to uska ehteraam karo…
(Uyoon Akhbaar ar Reza, v2, p80)
11. Iblees ka Naam
Imam Reza (as):
Beshak Iblees ka naam HAARIS hai. Allah Azz wa Jall ka qaul: 'Ya Iblees' ke maani faqat 'Aye Na-farmaan' hai, aur kyun ki Allah Azz wa Jall ki Rehmat se wo maayus ho gaya is wajah se uska naam Iblees rakkha gaya.
(Ma'ani al Akhbaar, v1, p184)
12. Jahannum ke ek maidaan ka Naam
Imam Sadiq (as):
Jahannum mein Takabbur karne walo'n ke liye ek maidaan hai jiska naam 'Saqar' hai. Usne Allah se shiddat e haraarat (bahut zyada taapmaan / extreme heat) ki shikaayat ki aur ye sawaal kiya tha ke ek saa'ns lene ki ijaazat mil jaaye. Ijaazat mili to uske liye huwe ek saa'ns se saara Jahannum jal uthha.
(Irshadaat e Masumeen (as), p121)
13. Juma ka Naam 
1. Imam Baqir (as):
Roz e Juma ka naam Juma is liye rakha gaya ke Allah Ta'ala ne is din Apni tamaam makhlooq ko jamaa kar ke H. Rasulallah (saww) aur aap (saww) ke Wasi (H. Ali (as)) ki Wilayat ka sab se Ahad (pledge) liya.
(Irshadaat e Masumeen (as), p125)
2. Imam Baqir (as):
Juma ke din Allah ne jamaa kiya tha apni makhlooq ko Wilayat e Muhammad (saww) aur Wasi e Muhammad (as) ke liye, is liye is din ka naam Juma rakha gaya.
(Furoo e Kafi, v2, p210)


↧

Gaali (Hadith)

July 6, 2018, 11:43 am
$
0
0



1. Holy Quran:
Jo log Allah ke siwaa doosro’n ki ibaadat karte hain unhe gaali NA diya karo warna wo log bhi Allah ko be-samjhe bujhe adaawat ki bina par gaali denge.
(Surah Anaam, Surah 6, Ayat 108)
2. Rasule Khuda (saww):
Shaitan tak ko Gaali NA do, sirf Shaitano'n ke shar (Evil / Mischief) se Allah se panaah maango.
(Tauba Aagosh e Rehmat, p421)
3. Rasule Khuda (saww)
ne (Surah Anaam, Surah 6, Ayat 108 ko madde-nazar rakh kar) farmaya, “Wo mal’oon hai jo apne maa-baap ko gaaliya’n de”.
Logo’n ne kaha “Ya Rasulallah (saww), koi shakhs apne maa-baap ko gaali kaise dega?”
Aap (saww) ne farmaya, “Is tarah ke ye doosra uske baap ko gaali de aur ye doosre ke baap ko gaali de. Ye kisi ki maa ko gaali de, wo iski maa ko”.
(Tafseer Ibne Kaseer, v7, p208)
(Meezan ul Hikmah, v4, p638)
4. Rasule Khuda (saww):
Unko gaaliya’n na do, warna tumhe gaaliy’an denge.
(Tafseer Anwaar e Najaf, v5, p246)
5. Imam Sadiq (as):
Gaali dena ek qsim ki jafaa hai, aur jafaa ke natije mein Jahannum hai.
(Gunaahaan e Kabeera, ch 12 Qazaf)
6. Rasule Khuda (saww):
Logo’n ko gaaliy’an na do kyun ki is se dushmani paida hoti hai.
(Tauba Aagosh e Rehmat, p420)
7. Rasule Khuda (saww):
Musalmaan musalmaan ka bhai hai, na hi uspar Zulm karta hai aur na hi usay gaaliyaa'n deta hai.
(Hadiyat ush Shia, p8)
8. Imam Ali (as):
Gaali se duur raho ke ye Allah ko sakht na-pasand hai.
(Tajalliyaat e Hikmat, p372)
9. Imam Sadiq (as)
se Rasule Khuda (saww) ke is farmaan ka maani daryaaft kiya gaya ke ‘Shirk chyu’nti ki chaal se zyada aahista chalta hai jo saaf patthar par chal rahi ho’.
To aap ne farmaya, “Sahaba mushrekeen ke khudao’n ko gaaliy’an dete the aur uske muqable mein mushrik log Allah ko gaali dete the. Pus is liye Rasule Khuda ne Sahaba ko mana farmaya aur isi ko Shirk e Khafi qaraar diya..”
(Tafseer Anwaar e Najaf, v5, p246)
10. Rasule Khuda (saww):
Jis ne mere Ahlebait (as) par zulm kiya, jis ne unse jung ki, jis ne unke khilaaf zaalim ki madad ki aur jis ne unhe gaaliyaa'n di, unke liye Jannat ko haraam qaraar diya gaya hai aur Qayamat ke din Allah aise logo'n ki taraf nigaah (e karam) nahi karega, unhe paak na karega aur unke liye dard-naak azaab hai.
(Uyoon Akhbaar ar Reza, v2, p89)
11. Commentary:
Gaali dene se aur bura bhala kehne se kisi ko galat raaste se nahi phera ja sakta balke iske bar-aks (contrary) jihaalat se bhara huwa shadeed taasub (hatred / dwesh) jo is qism ke afraad mein hota hai is baat ka sabab ban jaata hai ke wo hathh-dharmi (stubbornness) par ardd jaata hai aur apne baatil deen par aur zyada raasikh (firm / dridhh) ho jaata hai.
(Tafseer e Namuna, v5, p317)
12. Riwaayat:
Imam Ali (as) ne ek shakhs ko dekha jo H. Qambar ko gaali de raha tha aur wo usay barabar ka jawaab dena hi chahte the ke Imam (as) ne unhe pukara, “Ruk jao Qambar! Tum gaali dene wale shakhs ko isi tarah khamosh reh kar zaleel kar do. Is tarah Rehman tumse raazi ho jayega aur tum Shaitaan ko gussa dila doge aur is tarah apne dushman ko aziyyat doge”.
(Gunaahaan e Kabeera, ch 12 Qazaf)
(Amaal- Shaikh Mufeed, Majlis 14)
(Meezan ul Hikmah, v4, p634)
13. Janabe Zainab (sa)
ne Yazid (la) ke darbaar mein kaha, “Agar tum ne kisi ko gaali di hai, to goya tumne apne aap ko gaali di hai. Agar tumne kisi ko nuksaan pahu’nchaya hai to goya tumne apne aap ko nuksaan pahu’nchaya hai. Tum jo kuchh karte ho, wo tum apne aap par karte ho kyun ki tumhara amal tumpar palatt ke aata hai”.
(Moral Values of Qur'an, a Commentary on Surah Hujurat, Ayatullah Sayyid Abdul Husayn Dastghaib Shirazi, ch 16)
14. Rasule Khuda (saww):
…Aur wo jo mere Ahlebait (as) ko gaaliya’n de wo yaqeenan Murtad (apostate) hai aur Islam se khaarij ho gaya hai...
(A Shi'ite Encyclopedia, p358 with authentic Sunni reference of al-Sawa'iq al-Muhriqah, ch11, p357)
15. Rasule Khuda (saww):
Kya tumne kisi se suna hai ke wo Allah ko sabb karta (gaaliya’n deta) ho?
Raawi ne kaha, ‘Nahi huzoor”.
To aap ne farmaya, “Jisne ne Waliyullah ko gaali dega usne goya Allah ko gaali di”.
(Tafseer Anwaar e Najaf, v5, p246)
16. Rasule Khuda (saww):
Ya Ali! Jo tujhe gaali dega usne goya mujhe gaali di aur jisne mujhe gaali di usne goya Allah ko gaali di aur aisa shakhs ultte mu’nh Jahannum mein jayega.
(Tafseer Anwaar e Najaf, v5, p246)
(A Shi'ite Encyclopedia, p358 with Sunni reference of Musnad Ahmad Ibn Hambal, ch6, p33)
(For more non-Shia references of this Hadees, read: http://www.seratonline.com/23475/warning-against-cursing-ali-b-abi-talib-a-s/)
17. Imam Sadiq (as)
ki khidmat mein arz kiya gaya, “Farzand e Rasul (saww)! Hum Masjid mein ek aise shakhs ko dekhte hain ko KHULLAM KHULLA aap ke dushman ka naam lekar unko gaaliya’n deta hai”.
Imam (as) ne farmaya, “Oos MAL'OON ko kya ho gaya hai ke wo hamein khatre mein daal kar logo’n ko hamare khilaaf uksa raha hai? Halaa’nki Khuda wande Aalam ka irshaad hai 'Jo log Allah ke siwaa doosro’n ki ibaadat karte hain unhe gaali na diya karo warna wo log bhi Allah ko be samjhe bujhe adaawat ki bina par gaali denge'”. (Surah Anaam, Surah 6, Ayat 108). Imam Sadiq (as) is Ayat ki tafseer mein farmate hain, “UNKO GAALIYA’N NA DO WARNA YE LOG TUMHARE ALI (as) KO GAALIYA’N DENGE”.
(Aeteqadaat – Shaikh Sadooq, p110)
18. Imam Baqir (as):
Tauraat mein Allah ne H. Musa (as) ke saath jo munajaat farmaayi hai unme zikr farmaya hai, “…Aur Meri makhlooq mein se jo Mere aur tere dushman hain unke saath Meri taraf se narmi ke saath pesh aane ka elaania (openly) izhaar karo aur Mere poshida raaz (hidden secrets) ka izhaar kar ke MUJHE GAALIYA’N NA DILWAAO.  AGAR TUM NE IS TARAH KIYA TO MERE AUR APNE DUSHMAN KE SAATH MIL KAR MUJHE GAALIYA’N DENE MEIN SHAREEK HO JAOGE”.
(Amaali – Shaikh Mufeed – Majlis 23, ch 46)
19. Imam Reza (as):
Hamare mukhalefeen (virodhi / opponents) ne hamare Fazaael (virtues) ke mutalliq Ahadees gharhi hain (have fabricated Traditions) aur oos se unke 3 maqsad waabasta hain:
i) Unki taiyar ki huwi kuchh Riwaayaat GHULU (atishyokti / exaggeration) par mushtamil (aadhaarit / based) hai,
ii) Kuch Riwaayaat TAQSEER (hum ko ghataane) par mushtamil hai aur
iii) Kuchh Riwaayaat unhone aisi taraashi hain jin mein hamare dushman ke naam le kar aibo'n (faults) ko bayaan kiye hain.
Jab log GHAALIYANA (humko hadd se badhaane wali / exaggerated) Riwaayaat sunenge to wo hamare Shiyo'n ko kaafir kahenge aur log ye kahenge ke Shia Ahlebait (as) ko Rab maante hain.
Aur jab log TAQSEER (humko hamari haisiyat se ghataane) par mabni Riwaayaat sunenge to wo hamare liye Taqseer par mabni aqeeda rakhenge aur
JAB LOG YE SUNENGE KE AHLEBAIT (AS) NE NAAM LEKAR APNE DUSHMAN KE AIBO'N KO BAYAAN KIYA HAI TO LOG BHI NAAM LEKAR HUMPAR SUB O SHATAM KARENGE (HAMARA NAAM LEKAR HAME BURA BHALA KAHENGE), JAB KE ALLAH TA'ALA NE (SURAH AN'AAM AYAT NO.108 MEIN) FARMAYA HAI "AUR TUM UNHEIN (BUUTO'N / IDOLS KO) GAALIYAA'N NA DO JINHE YE LOG ALLAH KE SIWA PUKAARTE HAIN, KAHI'N AISA NA HO KE YE JIHAALAT AUR ZYADATI KARTE HUWE ALLAH KO GAALIYAA'N DENE LAG JAAYEIN".
(Tafseer Noor us Saqlain, v3, p269)
20. Riwaayat:
Imam Sadiq (as) ka ek sahabi tha jo har waqt Imam (as) ke saath rehta tha. Ek martaba Imam (as) Hadhaain ki taraf safar kar rahe the to ye sahabi apne gulaam ko lekar Imam (as) ke saath shareek ho gaya.
Raaste mein is sahabi ne dekha ke uska gulaam nazar nahi aa raha hai. Usne 3 baar talash kiya magar wo nahi dikhayi diya. Chauthi martaba talaash karne par jab wo nazar ayaa to gusse mein aakar sahabi ne kaha, “Aye zaaniya (adulteress / vyabhichaari aurat) ke bete! Kahaa’n tha tu?”
Jaise hi Imam (as) ne ye jumle sune to aap ne apni peshaani par haath mara aur kaha, “Subhanallah! Tum ne iski maa par gunaah ki tohmat lagaayi. Abhi tak main tumhe muttaqi samajhta aaya hoon, magar ab mujhe ehsaas huwa ke tum mein Taqwa nahi hai”.
Sahabi ne kaha, “Main aap par qurban! Magar iski maa to mushrekeen mein se hai (lihaaza ye ilzaam galat nahi hai)”, ye keh kar usne apni baat saabit (justify) karna chaahi.
Imam (as) ne kaha, “Kya tumhe nahi maalum ke har qaum ki shaadi ki apni ek rasm hoti hai, jiska ehteraam karna chahiye. Mere paas se chale jao”.
Raawi kehta hai ke is waaqiye ke baad main ne oon dono ki zindagi mein OOS SAHABI KO PHIR KABHI IMAM (as) KE SAATH NAHI DEKHA.
(Anecdotes for Reflection, v4, ch67)
21. Imam Sadiq (as):
Main apne kaano’n se sunta hoon ke ek shakhs mujhe gaaliya’n de raha hota hai magar main is khayaal se ke wo mujhe dekh na le, sutoon (pillar) ke peechhe chhup jaata hoon...
(Phir aap ne farmaya) Jahaa’n tak ho sakey apne mukhalefeen se zaahir mein rawaadari karo aur unse mel-milaap rakho, magar andruni taur par unke mukhalif raho...
(Aur farmaya) Momin se riya-kaari karna ek qism ka SHIRK hai magar munafiq (hypocrite) se uske ghar mein riya-kaari karna ba-manzile IBAADAT hai…
(Aur farmaya) KHUDA OOS SHAKHS PAR REHMAT NAAZIL FARMAYE JO MUKHALEFEEN KE DILO'N MEIN HAMARI MOHABBAT PAIDA KARTA HAI AUR HAMEIN UNKI NAZRO'N MEIN DUSHMAN NAHI BANATA.
(Aeteqadaat – Shaikh Sadooq, p112)
22. Imam Ali (as):
Agar ek aadmi doosre aadmi ko Faasiq (sinner), Khabees (indecent), Kaafir, Munafiq ya Gadha kahe to usay 39 kodey (lashes) maare jaane chahiye.
(Gunaahaan e Kabeera, ch 12 Qazaf)
23. Imam Kazim (as):
Gaaliya'n dene wala zaalim hai aur apne gunaaho'n ke saath doosro'n ka gunaah bhi apne sar par leta hai.
(Haqeeqat e Tabarra by Allamah Farogh Kazmi, p24 with reference of Usool e Kaafi)
24. Rasule Khuda (saww):
Gaali dene waalo’n par Khuda ne Jannat ko haraam qaraar diya hai aur agar gaaliyo’n ke murtakibeen (apradhiyo’n) ki chhaan- been ki jaaye to wo zina-zaade saabit honge ya phir unke nutfo’n mein Shaitaan ki shirkat ka pataa chalega.
(Haqeeqat e Tabarra by Allamah Farogh Kazmi, p23 with reference of Usool e Kaafi)
25. Commentary:
HAR AMAL KA RADDE AMAL HOTA HAI (EVERY ACTION HAS ITS REACTION)
Wo jisko tum ne gaali di wo tumhe gaali dega…Lihaza, doosre ke aib nikaal kar tumne apni galtiyaa’n talaash karne mein doosro’n ki madad ki. Lihaza, kisi ko gaali mat do ke koi tumhe gaali na de.
(Phir Ayatullah Dastghaib Shirazi ne Hadees bayaan ki aur uske zimn mein kaha..) Tum ne kyun kisi ke baap ko gaali di, wo badle mein tumhare baap ko gaali dega. Tum ne kyun kisi ki maa ko gaali di jis ke badle wo tumhari maa ko gaali de.
(Ek aur maqaam par Ayatullah ne farmaya) Gaali dene wala apne aap ko bad-gumaani (cynicism), maayusi, dushmani aur hasad ka shikaar banaata hai. Jab tum kisi ke baare mein bura kehta ho TO TUM APNI HI HAYAA' / IZZAT GHATAA DETE HO. 
(Ek aur maqaam par Ayatullah ne farmaya) Sachcha Momin gaali se is liye nafrat karta hai ke wo usay bura samajhta hai aur isliye nahi ke usay gaali di gayi hai.
(Moral Values of Qur'an, a Commentary on Surah Hujurat, Ayatullah Sayyid Abdul Husayn Dastghaib Shirazi, ch 16 & 9)
26. Imam Ali (as):
Izzat-daar (mukarram / honourable) aadmi kabhi gaali nahi deta.
(Ghorar ul Hakam, v2, p326)
27. Rasule Khuda (saww):
AGAR tum mein se kisi ne kisi ko gaali dena bhi ho to usay na to jaali (fabricated / banaavati) baatein karni chahiye aur na hi uske maa-baap ko gaali dena chahiye aur na hi uske qaum o qabile ko bura bhala kehna chahiye, balke usay kehna chahiye, “Tu kanjoos hai, ya buzdil hai, ya jhoota hai, ya tu bahut sota hai”, AGAR WO WAAQEAN AISA HAI.
(Meezan ul Hikmah, v4, p 643)

28 … MAGAR ZYADATI NA KARE
Imam Kazim (as)
ne ek dusre ko gaali dene wale 2 aadmiyo’n ke baare mein farmaya, “In dono mein se pehel karne wala shakhs zyada zaalim hai, uske gunaah mein gaali ka jawaab gaali se dene ka gunaah usko bhi milta rehta hai, ba-shart ye ke mazloom hadd se aage na badhe YAANI JIS HADD TAK JAWAAB DENE SE BARABAR KA BADLA HO JAATA HAI OOS SE ZYADA SAKHT JAWAAB NA DE WARNA USKA GUNAAH BHI GAALI DENE MEIN PAHEL KARNE WALE SHAKHS KI TARAH HOGA”.
(Gunaahaan e Kabeera, ch 12 Qazaf)
29. Commentary:
Misaal ke taur par ek shakhs doosre ko kahe “Aye gadhey” aur doosra shakhs jawaab mein keh de “Aye kutte”, to ye doosre shakhs ka hadd se badh jana hoga. Aur isi tarah ek shakhs ek martaba ‘Gadha’ kahe to doosre shakhs ka 2 ya 2 se zyada martaba kehna hadd se badh jana hoga. Haa’n, agar gaali dene wala shakhs jawaab mein gaali sun’ne se pehle hi maazerat kare aur maafi maang le to maaf kar dena chahiye aur aisi maafi maangne ki soorat mein gaali ka jawaab gaali se dena jaayez nahi hai.
(Gunaahaan e Kabeera, ch 12 Qazaf)


↧
↧

JHOOTI QASAM

July 6, 2018, 11:48 am
$
0
0


  

  ♦JHOOTI QASAM♦
🔻Quran
(بِسْمِ اللَّهِ الرَّحْمَٰنِ الرَّحِيمِ)
(وَمِنَ النَّاسِ مَنْ يُعْجِبُكَ قَوْلُهُ فِي الْحَيَاةِ الدُّنْيَا وَيُشْهِدُ اللَّهَ عَلَىٰ مَا فِي قَلْبِهِ وَهُوَ أَلَدُّ الْخِصَامِ)
🔻
"Insanon mein koi to aisa hai, jiski baten Duniyavi Zindagi mein tumhe bahut bhali maloom hoti hain, aur apni nek niyyati par woh bar bar Khuda ko gawah thairata hai, magar haqiqat mein wo badtareen Dushmane Haq hota hai."
(Surah Baqarah: 204)
----------------------------------------------
★Hadith
Rasule Khuda (saww):
"Sabse zyaada qasam khaanewala JAHANNUM ke liye TAIYYAR HO JAAYE."
(Tanzeemul Makatib, June 2006)
🔻
Rasule Khuda (saww):
"Meri ummat ke vyaapari (dhande mein) sachchi jhooti qasam khane ki wajah se balaao'n mein ghir jayenge."
(Rizq)
🔻
Rasule Khuda (saww):
"Jhooti qasam khaane se maal to bik jaayega, par dhanda tabaah ho jaayega."
(Nahjul Fasaha)


↧

शौहर बीवी और मान बाप हदीस के आईने में |

July 8, 2018, 5:57 pm
$
0
0


1. SHAUHAR - BIWI
-------------------------------
Rasule Khuda (saww):
Jo shakhs kisi aurat ko apni biwi banata hai to uska ehteraam (respect) bhi karna chahiye.
(Aasmani Nasihatein, v1, p115)
Rasule Khuda (saww):
Aurato'n ke saath shafqat (compassion / karuna) ke saath pesh aao aur unke dilo'n ko khush rakho taake wo tumhare saath khuloos o mohabbat se zindagi basar kare aur unki taaqat se zyada kaam anjaam dene par majboor na karein aur sakhti se pesh na aayein.
(Aasmani Nasihatein, v1, p115)
Rasule Khuda (saww):
Auratein tumhare paas Allah ki amaanat hain.
(Aasmani Nasihatein, v1, p116)
Imam Sadiq (as):
Mal'oon hai wo aurat jo apne shauhar ko aziyyat de aur khush-bakht hai wo aurat jo apne shauhar ka ehteraam kare aur usay takleef na de, zindagi ke tamaam umoor mein ita'at guzaar ho.
(Aasmani Nasihatein, v1, p116)
Rasule Khuda (saww):
Jo aurat zindagi ki mushkilaat mein sabr o tahammul kare, Khuda Wande Aalam usay Shaheed ka sawaab ataa karta hai.
(Aasmani Nasihatein, v1, p117)
Imam Sadiq (as):
Jo aurat khushnoodi e Khuda ke liye apne shauhar ki na-haq baato'n ko bardaasht karti ho to Khuda Wande Aalam usay har kalme (every sentence uttered by her husband) ke badle Rozedaar ka sawaab aur Raah e Khuda mein jung karne waale Mujaahid jitna sawaab milta hai.
(Aasmani Nasihatein, v1, p117)
2. MAA - BAAP
------------------------
Imam Sadiq (as):
Ek shakhs Rasulallah (saww) ke paas aaya aur kaha, "Main Jihad ke liye raaghib (khwaish-mand) hoo'n lekin mere Waaledain maane' (rukaawat) hain jo mujh se bahut oons (mohabbat) rakhte hain".
Aap (saww) ne farmaya, "Apne Waaledain ke saath raho. Wallah, tumhara oon dono ke saath ek din raat rehna, ek saal ke Jihad se afzal hai".
(Imam Jafar Sadiq (as) - Almustashaar Abdul Haleem Jundi (Misri), p205)
Imam Sadiq (as):
Agar Maa Baap dono ek saath pukaare aur hukm de'n to Maa ki pairavi aur hukm muqaddam (pehle) hai.
(Imam Jafar Sadiq (as) - Almustashaar Abdul Haleem Jundi (Misri), p211)



↧

एक दुसरे के ऐब को छुपाना हदीस के आईने में

July 8, 2018, 5:59 pm
$
0
0


Aib (Defect)
 (1)
Rasule Khuda (saww):
'SUBHANALLAH' ki Tafseer ye hai ke Allah ko har naqs o aib se PAAK samjhe (to accept that Allah is free from all defects).
(Sharh Dua e Kumail)
(2) 
Imam Baqir (as):
Har Musalmaan par WAAJIB HAI ke wo apne Muslamaan biradaro'n ke 70 (seventy) bade aib (defects) ko CHHUPAYE (Taake uski izzat mehfooz rahe).
(Kashkol, Book2, Pg16) 
(3) 
Imam Ali (as):
Agar tum ek doosre ke Aibo'n (defects / buraaiyo'n) ko zaahir karne lag jaaoge to ek doosre ko Dafn karna CHHOD doge.
(Meezan ul Hikmah, Vol7)
(4)  
Imam Sadiq (as):
Aaqao'n (Masters) ki tarah dusro'n ke aibo'n (defects) ko NA dekho balke Gulamo'n ki tarah apne aibo'n ki taraf dhyaan do.
(Meezan ul Hikmah, Vol7)
(5)  
Imam Ali (as):
Sab se bada aib ye hai ke tum oon baato‟n ko doosro'n ke liye aib qaraar do jo tum mein khud maujood ho.
(Tajalliyate Hikmat) 
(6)
Rasule Khuda (saww):
Jo kisi Musalmaan ke Aib ko zaahir karega to Allah uske Aibo'n ko zaahir karega hatta usay KHUD APNE GHAR MEIN  be-izzat kar dega.
(Meezan ul Hikmah, Vol7)
(7)  
Imam Husain (as):
Wo jo tumhare Aib aaine ke jaise tumhe batata hai wo tumhare sachcha dost hai aur wo jo tumhari chaplusi karke tumhare aib chhupata hai wo tumhara dushman hai.
(Hadees of Imam Husain (AS)
(8) 
Imam Ali (as):
Tumhari nazar mein sabse behtareen wo shakhs ho jisne tumhe ek Tohfe (Gift) ki tarah tumhari galtiyaa'n aur Aib bataaye.
(Commentary of Surah Al-Hujurat, The Islamic Moral System)
(9)  
Rasule Khuda (saww):
Jo shakhs aib-daar (Defective) cheez ko beche lekin uska Aib bayaan NA kare to… Farishte hamesha uspar La‟nat karte hain.
(Rehmat Aagosh e Tauba)
(10)  
Imam Ali (as):
Jab tak tumhare naseeb achche hain, tumhare AIB dhake huwe hain.
(Meezan ul Hikmah, Vol7)
(11) 
Imam Sadiq (as):
Jo koi apne biraadar e Momin ke aib / khaamiya'n chhupayega to Qayamat ke din Allah uske aib chhupyega.
(Mishkaat ul Anwaar)  
(12)
Imam Ali (as):
Kisi ke Aibo'n ke baare mein sochna bhi Aib hai.
(Meezan ul Hikmah, Vol7)
(13)  
Imam Ali (as):
Kam baat aibo'n ko chhipa deti hai aur gunaaho'n ko kam kar deti hai.
(Tajalliyate Hikmat) 
(14) 
Rasule Khuda (saww):
Jo shakhs apne kisi Musalman bhai ki Duniya mein koi BURAAII CHHUPAAYE to Allah Ta'ala Qayamat ke din uske Aib chhipaayega.
Meezan ul Hikmah, Vol7)
(15)  
Rasule Khuda (saww):
Jo shakhs len-den karna chaahta hai usay 5 cheezo'n se bachna chaahiye: 1] Suud [interest / byaaj], 2] Qasam khaana, 3] Maal ka aib chhupana, 4] Jo cheez doosro'n ko BECHNI ho uski taarif karna, aur 5] Jo cheez auro'n se kharidna ho uski buraai karna.
(Tehzibul Islam)
(16) 
Rasule Khuda (saww):
Aye Muslaman ke wo giroh, jo zubaan se to imaan le aaya hai lekin Imaan e Khaalis unke dil mein daakhil nahi huwa. Musalmano'n ki mazammat (condemn) na karo aur unke Aib ki khoj mein na raho, is liye ke jo shakhs logo'n ke Aib ki khoj mein rahega, Allah uske Aib ki khoj mein rahega aur Allah jiske Aib ki khoj mein rahe, usko ruswa (badnaam) kar dega, agar-che khud uske ghar mein sahi.
(Wasaael us Shia 12 / 275)
(17) 
Imam Ali (as):
Badtareen aib ye hai ke insaan kisi aib ko bura kahe aur phir OOS MEIN wohi aib paaya jaata ho.
(Nahjul Balagah)  
(18)
Rasule Khuda (saww):
Nek logo'n ke Aib aur galtiyaa'n dhoondne wale, nukta-chin aur chugal-khoro'n ko Allah (Qayamat mein) KUTTO'N (dogs) ki surat mein mehshoor karega.
Meezan ul Hikmah, Vol7)
(19)  
Imam Sadiq (as):
Logo'n ke saath Dushmani se Parhez karo kyun ki ye baat badnaami ka sabab  banti hai aur aibo'n (defects) ko zaahir karti hai.
(Meezan ul Hikmah, Vol6)
(20)  
Imam Ali (as):
Jo (kisi par) apna GUSSA utaarne se parhez karta hai to Allah Ta'ala uske Aibo'n  (defects) ko chhipa deta hai.
(Meezan ul Hikmah, Vol7) 
(21) 
Imam Baqir (as):
Har Momin pe WAAJIB hai ke apne Momin biraadaro'n ke [hatta / even] 70 bade Aib chhupaaye.
(Bundle of Flowers) 
(23) 
Imam Ali (as):
Oos shakhs ko dost kabhi NA banao jo tumhari khubiyo'n ko chhupaye aur aibo'n ko phailaye.
(Meezan ul Hikmah, Vol1) 


↧
Search

सिफ़ात ऐ मोमिन हदीस के आईने में

July 8, 2018, 6:02 pm
$
0
0


1. Imam Sadiq (as):
Momin ka rutba (status) Khana e Kaaba ki hurmat se buland hai.
(Khisaal, p41)
2. Imam Sadiq (as):
Momin insaan ka ehteraam hurmat e Kaaba se zyada hai.
(Aasmaani Nasihatein, v1, p30)
3. Imam Ali (as):
Badtareen sach kehna ye hai ke insaan apni taarif kare.
(Aasmani Nasihatein, v1, p63)
4. Imam Ali (as):
Wo cheez jiska kehna munasib nahi hai - agar ye chaahe Haq hi kyun na ho - insaan ki khud apni taarif karna.
(Tajalliyate Hikmat)
5. Imam Ali (as):
Shareef ko jab zyada izzat di jaati hai to wo bhi izzat o ehteraam se jawaab deta hai aur jab oos se sakhti ki jaati hai to wo bhi sakhti se jawaab deta hai. Jab ke kameene ko jab izzat di jaati hai to wo sakhti se jawaab deta hai aur jab oos se sakhti ki jaati hai to wo fauran narm padd jaata hai.
(Aqwaal e Masoomeen (as), p113)
6. Rasule Khuda (saww):
Insaan ke 2 kaandho'n par 2 Farishte muqarrar hain. Daayein jaanib (right side) wala Farishta baayein jaanib (left side) waale par haakim aur ameer hai. Jab insaan koi bura amal anjaam deta hai to daayein jaanib wala baayein jaanib wale se kehta hai, "Likhne mein jaldi mat kar, usko 7 ghanto'n (7 hours) ki mohlat de'. Jab 7 ghanto'n ki mohlat khatm ho jaaye aur wo shakhs Tauba na kare to phir wo daayein jaanib wala kehta hai, "Likho, ye shakhs kitna be-hayaa aur be-sharm hai".
(Amaali - Shaikh Toosi, v2, p154)
7. Imam Sadiq (as):
Khuda wande Aalam ne Ambiya (as) mein se ek Nabi ki taraf Wahi bheji ke wo Momino'n se kahe ke libaas, khoraak, aadaab aur rasm o riwaaj mein dushman e Khuda ko namuna (ideal) na banaayein. Agar aisa karoge to tum bhi unki tarah dushman e Khuda hoge.
(Aasmani Nasihatein, v1, p40)
8. Imām Alī ibn Mūsā al-Rezā (a.s.) ne farmaya:
"Hamarey Shi'a hamarey Hukm kay samney sar tasleem kham kartey hai aur hamarey Ahkam ko bajalatey hain, hamarey Dushmano'n kay mukhalif hain, bus jo in Sifaat e Bakamaal ka maalik nahi woh hum mein se nahi hain".
[Reference :Mohabbat e Ahle Bayt kyou? by Shaikh Sadooq(a.r.), page 22]
9. Dawood naam ka shaks Imam Musa al-Kazim (as) ke paas shikwa (complain) le kar gaya ke uske Bete ne uska bahut zyada paisa zayaa (waste) kar diya.
Imam (as) ne kaha "Apni aulaad ko sahii karo aur ye jaan lo ke 1 lakh Dirham kuchh nahi hai Aulaad ki barqat ke muqaabil (comparison) mei"
(Kafi, Part 12, Page 211)
10. Imam Sadiq (as):
Sab se achcha wo shakhs hai jo marte waqt 3 cheezein chhor kar jaaye:
1) Nek farzand chhor kar jaaye jo uske liye Astaghfaar karta rahe,
2) Koi achchi sunnat aur rawish chhoor kar jaaye jin par iske baad (is amal e khair mein) uski iqteda (follow) ki jaaye,
3) Aisa Sadqa Jaariya kare jo uske baad bhi jaari rahe (maslan (for eg.) koi Masjid banaa kar jaaye).
(Amaali - Shaikh Toosi, v2, p228)
11. Imam Sadiq (as):
Khuda se itne zyada ummeedwaar mat ho jaao ke gunaaho'n par diler ho jaao aur na hi itne khauf-zada ho jaao ke Uski Rehmat se maayus ho jaao.
(Amaali - Shaikh Sadooq, p23)
يا مَنْ يَقْبَلُ الْيَسيرَ، وَيَعْفُو عَنِ الْكَثيرِ، اِقْبَلْ مِنِّي الْيَسيرَ وَاعْفُ عَنِّي الْكَثيرَ، اِنَّكَ اَنْتَ الْغَفُورُ الرَّحيمُ
12. Rasule Khuda (saww):
Husn e sulook (achcha bartaav) oon logo'n se shuru kare jo aap ke ayaal (family members) hain.
(Man La Yahzarahul Faqeeh, v4, p296)
13. Rasule Khuda (saww):
Husn e sulook (achcha bartaav) oon logo'n se shuru kare jo aap ke ayaal (family members) hain.
(Man La Yahzarahul Faqeeh, v4, p296)
14. Imam Sadiq (as)
ne Surah Maaida ki Ayat no 32 ki tafseer farmaate huwe kaha ke, "Jisne ek insaan ko gumraahi se nikaal kar hidaayat mein daakhil kiya hai, goya isne usko zinda kiya aur jisne kisi ko hidaayat se nikaal kar gumraahi mein daakhil kiya to Khuda ki qasam isne usko qatl kiya".
(Amaali - Shaikh Toosi, v2, p200)
15. Imam Sajjad (as):
Zabaan ka haq ye hai ke usay gaali galoch se mehfooz rakho aur usay nek aur shaaista baat kehne ka aadi banao, usay ba-adab banao….
((The right of the tongue is that you consider it too noble for obscenity, accustom it to good, force it to politeness...)
(Risalatul Huqooq, ch.Zabaan ka Haq)
16. Rasule Khuda (saww):
Allah Ta'ala saheb e Hayaa aur iffat (vinay) waale shakhs se mohabbat karta hai aur fahash (ashleel) bakne aur gaaliyaa'n dene wale aur bure saail se bugz rakhta hai.
(Amaali - Shaikh Toosi, v1, p110)
17. Rasule Khuda (saww):
Aqalmand-tareen insaan Neki kar ke bhi darta rehta hai aur jaahil-tareen insaan buraayi kar ke bhi mutmaeen rehta hai.
(Meezan ul Hikmah, v2, p253)
18. Imam Ali (as):
Jo jawaab dene mein jaldi karta hai wo sahi baat nahi bataa sakta.
(Meezan ul Hikmah, v2, p293)
19. Imam Sajjad (as):
Khauf e Khuda ka matlab rona aur aa'nsu bahana nahi hai, kyun ki jab Taqwa na ho jo usay gunaaho'n se roke, ye khauf jhoota hai.
(Fear of God does not mean weeping or shedding tears, for as long as there is no piety which keeps him from sins, the fear is false)
(Uddatud Daee, ch4)
20. Rasule Khuda (saww):
Madine mein aisi qaum aabaad thi jinme Aib paaye jaate the (magar) wo logo'n ke aibo'n par bhi parda-poshi karte (logo'n ke aib chhupate) the. Lihaza, Allah Ta'ala ne logo'n ke saamne unke aibo'n par parda-poshi kar di. Jab wo mar gaye to logo'n ke nazdeek unke koi aib na the. Madine mein ek aur qaum bhi thi jinke andar (ba-zaahir) koi aib nahi paaya jaata tha, lekin wo logo'n ke aibo'n ke baare mein guftagu kiya karte the to Allah Ta'ala ne unke aibo'n ko zaahir kar diya aur unke aibo'n ko logo'n ne jaan liya aur yahaa'n tak ke wo mar gaye lekin logo'n ki nazro'n mein aib-daar mash'hoor rahe.
(Amaali - Shaikh Toosi, v1, p123)
21. Rasule Khuda (saww):
Paidal chalna (walking) sehet o salaamati ke liye behtareen dawaa hai.
(Aasmani Nasihatein, v1, p71)
22. Rasule Khuda (saww):
Jo shakhs bando'n ka shukriya adaa nahi karta wo Allah Ta'ala ka bhi shukr adaa nahi karta.
(Man La Yahzarahul Faqeeh, v4, p296)
23. Imam Taqi (as):
…Jab sakhtiyo'n mein ghir jao to 'Ya Raoofo Ya Raheem' bahut zyada kaha karo…
(Meezan ul Hikmah, v1, p731)
24. Imam Sajjad (a.s) :
"Mujhe Tajjub hota hai us Shaks par jo Momeen ki kuch Galtiyo ko Pahaad banaa ke dikhaate hai aur unka dil dukhaate hai aur hame jo nahi maanta usme 1000 galtiya hoti hai phir bhi uske saamne haste hai aur khush rehte hai. Yaad rakho yahi wajah banegi tumhaari duniya ki balaao ki aur akherat mei hum tumhara garebaan pakad ke is amal ka jawaab Maangenge."
(Furue Kaafi, vol. 2, pg 335)
25. Imam Ali (as):
Nekiyo'n ka hukm do aur oon par AMAL bhi karo..aisa na ho ke tum khud gunaah karke apne Rab ke gazab ka nishaana ban jao.
(Gorar ul Hakam)
26. IMAM MOHAMMED BAQER (A.S.)
Jo shakhs ALI (A.S.) ko phehchaan liya woh Momin hai aur jis ne nahi phehchaana woh kafir hai.           
(Usul e kafi 2/238)
27. Imam Sadiq (as):
Agar Momin pahaadh ki choti par bhi rehne lage, to Allah wahan bhi ek aise shaks ko bhejega jo usko azeeyat pahonchaye, taaki Allah us Momin ko iska Ajr de.
(Elul al Sharaaye, Pg.33(02))
28. Rasule Khuda (saww):
Allah JO KUCHH Momin ke saath karta hai wo uske BHALE ke liye hota hai. Musibat uske Gunaaho'n ka Kaffara hai aur Ataa o Karam yaani Allah usay chaahta hai.Salwat
(Tuhfa ul Uqool)
29. Imam Sadiq (as):
Jo shakhs bagair haajat kisi se sawaal karega to marte dum tak kabhi na kabhi Allah Ta'ala usko mohtaaj bana dega aur uske liye Jahannum ka parwana likh diya jaayega.
(Man La Yajharul Faqih)
30  Imam Ali (as):
Jiski baatein kam ho jaati hai uske gunaah kam ho jaate hain.
(Tajalliyaat e Hikmat)
31. Imam Sadiq (as):
Jab bhi 3 Momin saath hote hain to oon mein se kisi bhi 2 ka aapas mein ek doosre ke kaan mein baat karna sahi nahi hai, is se teesre ko takleef hoti hai. (Mishkaat ul Anwaar)
32. Rasule Khuda (saww):
Ek Momin ki taraf se doosre Momin par WAAJIB hai ke uske 70 Kabira Gunaaho'n (Greater Sins) ko chhipaaye.
(Meezan ul Hikmah, v7)
33. Imam Ali (as):
Musibat ke aalam mein bhi Mutmaeen (satisfied) nazar aao aur mushkilaat ke bawajood khush raho.
(Gorar ul Hakam)
34. Rasule Khuda (saww):
Apne kisi bhai ki musibat par khushi ka izhaar NA karo kyunki Allah uspar to rahem karega aur wohi musibat tumhari taraf fer dega.
(Meezan ul Hikmah, v7)
35. Imam Sadiq (as):
Momin ke liye SUBAH ke waqt munaasib NAHI hai ke bagair kuchh khaaye baahar jaaye kyunki Subh ko khaa kar jaana Zyaadti e Izzat ka sabab banti hai.
(Tehzibul Islam)
36. Imam Baqir (as):
Jannat Mushkilaat aur Sabr me ghiri huwi hai, lihaza jo shakhs duniya me mushkilaat par Sabr karega wo Jannat me jayega.
(Meezan ul Hikmah, v2)
37. Imam Sajjad (as):
Mujhe Tajjub hota hai us Shaks par jo Momeen ki kuch Galtiyo ko Pahaad banaa ke dikhaate hai aur unka dil dukhaate hai aur hame jo nahi maanta usme 1000 galtiya hoti hai phir bhi uske saamne haste hai aur khush rehte hai. Yaad rakho yahi wajah banegi tumhaari duniya ki balaao ki aur akherat mei hum tumhara garebaan pakad ke is amal ka jawaab Maangenge.
(Furue Kaafi, vol. 2, pg 335)
38. Imam Ali (as):
Jise Jaza Milne Ka Yaqeen Hota Hai Wo Naiki Par Kisi Baat Ko Tarjeeh Nahi Daita.
(Aqwal_e_Masomeen, P18)
39. Imam Sadiq (as):
Momin Mein 6 Ausaaf Nahi Hote.
>Dhoka
>Talkhi
>Jhoot
>Anaad
>Hasad
>Sarkashi.
(HidayaT ush_Shia, P#377)
40. Rasule Khuda (saww):
Uski IBAADAT jo Haraam tarike se apni ROZI kamaata hai, aisi hai jaise reti par banaayi gayi imaarat.
(A Bundle of Flowers)
41. Imam Sadiq (as):
Jo koi apne biraadar e Momin ke aib/khaamiya'n chhupayega to Qayamat ke din Allah uske aib chhupyega.
(Mishkaat ul Anwaar)
42. Rasule Allah (saww):
se poochha gaya ke Momeneen mein sabse afzal Imaan kiska hai? Aap ne farmaya "Uska Imaan afzal hai jiska AKHLAAQ (manners) sabse behtar hai."
(Al Kaafi, v2)
43. khauf e Khuda
i) Imam Baqir (as):
Kisi makhlooq ka makhlooq ke saamne sawaal mein giddgiddana Khuda ko bahut na-pasand hai magar Khuda ke saamne giddgiddana mehboob hai.
(Guftaar e Dil Nasheen, p133)
ii) Imam Sadiq (as):
Agar tumhe (khauf e Khuda) mein rona na aaye to rone ki soorat hi bana liya karo. Aur agar aa'nkh se makkhi ke sar ke barabar bhi aa'nsu baahar aa jaaye to phir kya hi baat hai.
(Meezan ul Hikmah, v1, p668)
iii) Rasule Khuda (saww):
Makhfi (tanhaayi mein kiye huwe) sajdo'n se zyada koi cheez bande ko Khuda ka muqarrab nahi banaati.
(Hadiyat ush Shia, p42)
iv) Imam Sadiq (as):
Jab banda Sajde mein apne Rab se Dua kar raha hota hai, oos waqt wo Allah se zyada qareeb hota hai.
(Meezan ul Hikmah, v8, p193)


↧
↧

आंसू हदीस के आईने में

July 8, 2018, 6:03 pm
$
0
0



1. Imam Husain (as):
Jis momin ki aankh se ek qatra aa'nsu ka hamari musibat mein nikle ya aankhein uski aa'nsuo'n se bhar aayein Haq Ta'ala usko hamesha Behisht (Jannat) mein rakhega.
(Bihaar ul Anwaar, v1, p116)
2. Imam Ali (as):
Aa'nsu khusk hote hain sirf dilo'n ki sakhti aur be-rehmi se aur dil sakht ho jaate hain sirf gunaaho'n ki kasrat (excess) se.
(Elal ush Sharaaye, p61)
3. Rasule Khuda (saww):
Jiski aankhein khauf e Khuda se behne lagein uska sawaab ye hai ke uske har qatra e ashk ke badle Ohad ke pahaadd ke barabar Ajr uske naama e aamaal mein daal diya jayega.
(Meezan ul Hikmah, v1, p665)
4. Imam Sadiq (as):
Duniya mein har cheez ka wazn aur paimaana hai siwaaye aa'nsuo'n ke, kyun ki aa'nsu ka ek qatra aatish (jahannum) ke samandar ko bujha sakta hai...
(Meezan ul Hikmah, v1, p667)


↧

पानी हदीस के आईने में

July 8, 2018, 6:08 pm
$
0
0


PAANI PEENE KE ADAAB 
🔸🔹🔸🔹🔸🔹
1. Rasule Khuda (saww):
Duniya o Aakherat mein sab khaano'n ka sardaar Gosht hai aur tamaam mashrubaat (peene ki cheez) ka sardaar Paani hai.
(Wasaail ush Shia, v17, p51)
2. Imam Sadiq (as):
Aab e Zam Zam har marz ke liye shifa hai.
(Tehzeeb e Aal e Muhammad (saww), p113)
3. Rasule Khuda (saww):
Oon'tt (camel) ki tarah gatt-gatt kar ke ek ghu'ntt (ek saa'ns) mein paani na piyo balke 2 - 3 ghu'ntt kar ke piyo. Jab paani peene lago to Bismillah padho aur peene ke baad Alhamdulillah kaho.
(Tibb e Nabi Akram (saww), p31)
4. Imam Baqir (as):
Paani peene ke adaab mein se qaabil e khayaal adaab ye hai ke ibteda mein Bismillah kahe aur ikhtetaam par Alhamdulillah.
(Tehzeeb ul Islam, p99)
5. Imam Sadiq (as):
Kabhi aisa hota hai ke ek shakhs paani nahi peene paata ke Allah Ta'ala usko paani hi se Behishti (Jannati) kar deta hai aur soorat iski ye hoti hai ke wo shakhs paani peene mein thhaher jaaye aur Khuda ki taarif (Hamd) kare, phir piye aur abhi pyaas baaqi ho phir thhehre aur Khuda ki taarif kare phir piye. Khuda Wande Ta'ala is taarif ke sabab se Behisht uspar waajib kar deta hai.
(Tehzeeb ul Islam, p97)
6. Imam Sadiq (as):
Agar koi shakhs paani peene se pehle Bismillah keh le phir ek ghu'ntt pi-kar thhaher jaaye aur phir Bismillah keh le aur phir baad paani pi chukne ke Alhamdulillah kahe to jab tak wo paani uske peyt mein rahega Khuda ki Tasbeeh padhega aur iska sawaab peene wale ke liye likha jayega.
(Tehzeeb ul Islam, p97)
7. Imam Sadiq (as):
Agar wo shakhs jo tumhe paani de wo tumhara ghulaam ho to 3 dafaa (3 ghu'ntt) kar ke piyo aur agar azaad ho to ek dum se pi jao.
(Tehzeeb ul Islam, p98)
PAANI & ISTEQBAAL E AYYAM E AZAA
8. Imam Sadiq (as):
Allah la'nat kare qaatil e Husain (as) par ke qatl e Husain (as) ki yaad hamare dil ko na-gawaar bana gayi hai. Main thanda paani nahi peeta kyun ki yaad e Husain (as) tung karti hai. Yaad rakho koi aadmi aisa nahi hai jo paani pi-kar Husain (as) ko yaad kare aur unke qaatil par la'nat kare aur Khuda uska ajr na de. Khuda aise shakhs ke liye Ek Laakh nekiyaa'n likhta hai aur uske Ek Laakh darjaat buland karta hai aur ye aise hai goya oos shakhs ne goya Ek Laakh gulaam azaad kiye…
(Amaali - Shaikh Sadooq, Majlis 29, p140)
9. Imam Sadiq (as):
Jo banda paani pi-kar H. Imam Husain (as) aur unke Ahlebait ko yaad kare aur oon Hazrat ke qaatileen par la'nat kare to Haq Ta'ala ek laakh nekiyaa'n uske naam e aamaal mein likhega aur ek laakh gunaah mitaa dega aur ek laakh darje uske buland karega aur usko is qadar sawaab hoga ke goya ek laakh bande usne Khuda ki raah mein azaad kiye aur Haqq e Ta'ala Qayamat ke din usko khush-haal aur mutmaeen khaatir mash'hoor karega; aur paani pi-kar ye kahe to behtar hai, "Swalwaatullahi 'Alal Husaine Wa Ahlebaitehi Wa As'haabehi Wa La'natullahi 'Alaa Qatelatal Husaine Wa 'Adaaehi".
(Tehzeeb ul Islam, p97)
PAANI
&
ANIMAL RIGHTS IN ISLAM
10. Imam Baqir (as):
Allah Ta'ala kisi ke jigar ki aag ke bujhaane (Pyaase ko Paani pilaane) ko bahut pasand karta hai. Aur jo shakhs kisi jaanwar ke jigar ki aag ko bujhayega (Paani pilayega) to Allah Ta'ala Apne Arsh mein usko oos din rakhega jis din Uske saaye ke siwa doosra saaya na hoga.
(Man La Yahzarahul Faqeeh, v2, p48)
11. Rasule Khuda (saww):
Ek dafaa ka zikr hai ke ek gunaahgaar aurat ku'nwe (well) ke paas se guzri ke ek pyaasa kutta pyaas se mar raha tha. Oos aurat ne apna joota utaara aur dupatte se baandh-kar ku'nwe se paani bhara aur oos pyaase kutte ko pilaaya. Khuda Wande Aalam ko ye amal itna pasand aaya ke Unse is aurat ke saare gunaah baksh diye.
(Aasmani Nasihatein, v1, p69)
12. Imam Sadiq (as):
Bani Israel mein ek budhha shakhs tha. Jab wo ibaadat kar raha tha to usne dekha ke 2 bachche ek murghi ko pakadd-kar uske parr (feather) khench rahe the. Wo murghi dard ki wajah se cheekh rahi thi magar wo shakhs apni ibaadat mein masroof raha aur oon bachcho'n ke chungal se oos murghi ko azaad nahi karvaya. To Allah ne zameen ko hukm diya ke is shakhs ko nighal  jaaye aur choos ke bilkul gehraaye mein utaar de.
(Greater Sins, ch30, p508)
13. Rasule Khuda (saww):
Jo shakhs ek chidiya (sparrow) ko bila wajah maar daale to Khuda Wande Aalam Qayamat ke din uske baare mein sawaal karega.
(Aasmani Nasihatein, v1, p69)
14. Riwaayat:
H. Rasule Khuda (saww) ne jaanwaro'n ko aag mein jalaane ki mumaniyat (paabandi) farmaayi hai.
(Tehzeeb ul Islam, p364)
15. Imam Sadiq (as) :
Ek aurat ne billi ko kamre mein band kiya jis se wo pyaasi mar gayi. Khuda Wande Aalam ne uske is feyl se azaab mein mubtela  kiya.
(Aasmani Nasihatein , v1, p69)
(Tehzeeb ul Islam, p364)
(Nayaab Gauhar, ch Azaab)
ISLAM NE JAANWARO'N KA ITNA KHAYAAL KIYA HAI MAGAR UMMAT NE NAVASA E RASUL (SAWW) AUR UNKI AAL KO PAANI SE MEHROOM RAKHA, UNPAR ZULM KIYA AUR JHULASTE DASHT MEIN SHAHEED KIYA
QAATILAAN E IMAM HUSAIN (as) PAR BE-SHUMAAR LA'NAT
16. Rasule Khuda (saww)
se ek shakhs ne sawaal kiya, “Ya Rasulallah (saww)! Wo kaun sa amal hai jis ko main anjaam doo’n taake Jannat mein daakhil ho jaoo’n.”
Aap (saww) ne farmaya, “Nayi mashk kharido aur uske zariye logo’n ko paani pilaate raho, yahaa’n tak ke wo mashk phatt jaaye. Kyun ki wo nahi phattegi magar tere liye Jannat waajib ho jayegi.”
(Amaali – Shaikh Toosi, v2, 404)


↧

ग़दीर और हदीस ऐ मासूमीन

July 8, 2018, 6:10 pm
$
0
0


★EID - E - GHADEER★
🔹🔸🔹🔸🔹🔸
1⃣Imam Sadiq (a.s):
Hazrat Ali ibne Abi Taalib (a.s) ke saath jo huwa uspar mujhe ta'jjub hota hai. Hazaaro'n gawaah hone ke bawajood wo apna haq nahi haasil kar sake, jab ke kisi shakhs ko apna haq haasil karne ke liye sirf 2 gawaah chahiye.
(Bihaar ul Anwaar, v37)
2⃣Imam Baqir (a.s):
Islam 5 buniyaad par qayam hai - Namaz, Zakat, Roza, Hajj aur Wilayat. Aur kisi ke liye LOGO'N KO ELAAN NAHI KIYA GAYA jaise Wilayat ke liye Ghadeer ke din hua.
(Al Kaafi, v2)
3⃣Imam Sadiq (a.s):
Eid-e-Ghadeer ke din ROZA rakhne ka sawaab DUNIYA KI PURI HAYAAT roza rakhne ke barabar hai (equivalent to fasting the time span of the existence of the entire world). Yaani agar kisi shakhs ko is DUNIYA KI UMR ke jitni umr mile aur wo is puri zindagi roza rakhe to in rozo'n ka sawaab is (Eid e Ghadeer ke EK DIN KE) ROZE ke barabar hoga.
(Wasaail ash Shia, v7)
4⃣Imam Sadiq (a.s):
(Ghadeer ke din) ek dirham aise biradare momin ko dena jo (is din ki azmat aur ehmiyyat ki) maarefat rakhta ho, kisi aur din 1000 dirham dene se behtar hai. Lihaaza, is din apne bhaiyo'n ko (Eidi) do aur momin aur momenaat ko khush karo.
(Misbahul Mutahajjid)
5⃣Imam Reza (a.s):
Jo Eid-e-Ghadeer ke din kisi Momin ko milne jaayega, Allah 70 kism ke Noor uski kabr mein ataa karega aur uski kabr ko kushaada (expand) karega aur rozana 70000 farishte usse kabr mein milne aayenge aur Jannat ki basharat denge.
(Iqbal al Amal)
6⃣Imam Sadiq (a.s):
Jo Eid e Ghadeer ke din kisi bhi waqt 2 rakat Namaz padhe magar afzal ye hai ke zawaal (mid-day) ke kareeb padhe...(iska sawaab ye hai) ke jaise woh oos din (Ghadeer e Khumm) mein maujood tha.
(Wasaail ash Shia, v5)
7⃣Imam Sadiq (a.s):
Is (Eid-e-Ghadeer ke) din nek aamal karne ka sawaab 80 mahine (nek aamal) ke barabar hai; aur ye taakid hai ke (is din) Allah – Azz wa Jall – ka zyada se zyada zikr karo / yaad karo, aur Nabi e Akram (saww) par Salwaat bhejo; aur ek mard ko apne ghar waalo'n ko (tohfe aur bakshish) ataa karna chahiye.
(Wasaail ash Shia, v7)
8⃣Imam Sadiq (a.s):
Allah ki Qasam, agar logo'n ko is (Eid e Ghadeer ke) din ki sahi fazilat maalum ho jaati toh malaaeka unse rozana10 martaba musafeha karte…aur oos shakhs ko - jise is din ki (azmat ki) maarefat hai - Allah itna ataa karega ke jiska shumaar bhi nahi ho sakta.
(Misbahul Mutahajjid)
9⃣Imam Sadiq (a.s):
Ye (Eid e Ghadeer) Allah ki Eid e Akbar hai, aur Allah ke mab'oos kiye har Nabi ne ye Eid manaayi aur iski hurmat ko jaana…
(Wasaail ash Shia, v5).
1⃣0⃣Rasulallah(sawa)
Ye mumkin nahi ke Ali ibne Abi Talib(as) ki fazilato ko shumar kiya ja sake. Agar koi Ali ibne Abi Talib(as) ki ek fazilat ko yakin rakhte huwe bayan kare to Allah(swt) oske pichle aur aainda ke gunaho ko maaf kar dega. Aur agar koi is fazilat ko likhe, to jab tak wo tehrir baki rahegi maleka oske liye istegefar karte rahenge.
(Ref Bihar al Anwar V26 p229 H10)
1⃣1⃣Rasule Khuda (saww):
Mujhe apne Rab ki izzat ki qasam! Meri tamaam ummat ko Qayamat ke din thhehraya jayega aur unse Ali ibne Abi Taalib (as) ki Wilayat ke mutalliq puchha jayega, jaisa ke Allah ka farmaan hai, "Unhe roko, unse sawaal kiya jayega" (Surah Saaffaat, Surah 37, Ayat 24). Is Ayat ka talluq Wilayat e Ali (as) se hai".
(Tafseer Noor us Saqlain, v7, p219)
1⃣2⃣Rasule Khuda (saww):
Allah ne farmaya, "Agar tamaam log Wilayat e Ali (as) par muttafiq (sehmat) ho jaate to Main Dozakh ko khalq hi na karta".
(Amaali - Shaikh Sadooq, p610)
1⃣3⃣Imam Reza (as):
Tum jahaa'n bhi ho har haalat mein H. Ameer (as) ki bargaah mein haazir ho, kyun ki Khuda wande Aalam (Ghadeer ke din) har Momin o Momena aur Muslim o Muslima ke 70 saal ke gunaah maaf karta hai aur oos se 2 guna (double) logo'n ko Jahannum se azaad karta hai jis qadar Maah e Ramzan mein aur Lailatul Qadr mein aur shab e Eid ul Fitr mein azaad karta hai. Aur tumhara is din Momin bhaiyo'n par Ek dirham kharch karna 1000 dirham ke barabar hai. Pus, tum is din apne (imaani) bhaiyo'n par meherbaani karo aur Momin o Momena ko shaad / khush karo.
(Wasaail ush Shia, v10, p227)
1⃣4⃣Imam Sadiq (as):
Ek Neki ke badle Allah 10 Nekiyaa'n deta hai, lekin Neki ke liye WILAYAT E ALI (as) ZARURI HAI. Jo shakhs aqeeda e Wilayat rakh kar Neki kare to usay har Neki ke badle kam az kam 10 Nekiyo'n ka ajr milta hai. Agar aqeeda e Wilayat ke bagair koi shakhs Neki karta hai to uski Nekiyo'n ki wajah se dunyaavi takleef khatm kar di jaati hai lekin AKHERAT MEIN USKA KOI HISSA NAHI HOTA.
(Tafseer Noor us Saqlain, v3, p313)
1⃣5⃣Imam Sadiq (as):
…Juma Musalmano'n ki Eid hai jo Eid ul Fitr aur Eid ul Qurban se bhi afzal hai. Aur 18 Zilhajj yaani Eid e Ghadeer tamaam Eido'n se afzal hai. Aur hamare Qaem e Aal e Muhammad (atfs) Juma ke din zahoor farmayenge aur Qayamat bhi Juma ke din qayam hogi. Aur Juma ki din sab se afzal amal sarkaar e Muhammad o Aal e Muhammad (as) par Durood o Salaam bhejna hai.
(Wasaail ush Shia,v5, p69)
1⃣6⃣Imam Reza (a.s):
Ghadeer me Imam Ali (a.s) ki wilayat Hazrat Aadam (a.s) ke sajde ki tarah thi. Qubul karne wala farishto se bhi afzal th aur inkaar karne wala Iblees (la) se bhi badtar tha.
(Awalam Page :90)
1⃣7⃣Rasule Khuda (saww):
…Khuda ki qasam! Agar koi shakhs Rukn aur Maqaam (Masjidul Haraam Makkah mein) ke darmiyaan khade ho kar hamesha Namaz adaa karta rahe lekin wo Allah Ta'ala ki bargaah mein is haalat mein pesh ho ke Ahlebait (as) se bugz rakhta hoga to Allah Ta'ala usko Jahannum mein daal dega.
(Amaali - Shaikh Toosi, v1, p67)
1⃣8⃣Rasule Khuda (saww):
H. Jibreel (as) mere paas aaye aur kaha, "…Ya Rasulallah (saww)! Allah ne aap ki taraf Wahi farmayi hai ke Ali (as) ki fazilat ke baare mein jo shakhs bhi aap (saww) ki mukhalefat karega wo Jahannum mein jayega aur jo aap ki ita'at karega wo Jannat mein jaayega..
(Amaali - Shaikh Toosi, v1, p311)
1⃣9⃣Imam Baqir (as):
Wilayat e Ali (as) ke inkaar karne walo'n ko Allah ki taraf se dhheel di jaati hai aur unpar dunyawi ne'maat ki baarish ki jaati hai. Uske baad Khuda ki taraf se unki giraft hoti hai.
(Tafseer Noor us Saqlain, v3, p193)
2⃣0⃣Imam Sadiq (as):
Khuda ne Ali (as) ko Apne aur Apni makhlooq ke darmiyaan alaamat (nishani) banaya hai. Pus, jisne unki maarefat haasil ki wo Momin hai aur jisne inkaar kiya wo Kaafir hai aur jo unse jaahil raha wo gumraah hai aur jisne unke saath kisi shay ko qaaem kiya wo Mushrik hai. Jisne unki Wilayat ka iqraar kiya wo daakhil e Jannat huwa aur jisne unse adaawat ki wo waasil e Jahannum huwa.
(Al Kaafi, v4, p360)
2⃣1⃣ Imam Sadiq (as):
Awwalin aur Aakherin mein se sirf wohi Jannat mein daakhil hoga jo H. Ali (as) ko dost rakhta hai aur Awwalin aur Aakherin mein sirf wohi Jahannum mein daakhil hoga jo H. Ali (as) se dushmani rakhta hai. Pus Ali (as) Jannat aur Jahannum ke taqseem karne waale hain.
(Manaaqib Ameerul Momeneen (as), p385)
2⃣2⃣Rasule Khuda (saww):
Aye Ali (as)! Aap Jannat aur Jahannum ke taqseem karne wale hain. Aap Jannat ke darwaze ko khatkhatayenge aur apne chahne- walo'n ko be-hisaab Jannat mein daakhil karenge.
(Manaaqib Ameerul Momeneen (as), p386)
2⃣3⃣Imam Sadiq (as):
(Eid e Afzal - Eid e Ghadeer) Jis roz Ameerul Momeneen (as) Imam e Khalq banaye gaye wo Eid dono Eido’n se afzal o ashraf hai. Is din Roza rakho aur Muhammad (saww) aur Aal e Muhammad (as) par bahut zyada durood bhejo aur unke zaalimo’n se bezaari zaahir karo. Ambiya (as) apne apne Awsiya ko aaj ke din Roza rakhne ka hukm dete the aur apna Wasi is din banaate the aur is din Eid manaane ka hukm dete the...”
(Furoo e Kafi, v3, p325)
●○●○●○●○●○●○●○●○●○
Ghadeer Naama
Kamaal e deen e khuda ko GHADEER kahte hein,
Risalato'n ki baqa ko GHADEER kahte hein,
Ada e ahd e wafa ko GHADEER kahte hein,
Munafiqo'n ki saza ko GHADEER kahte hein,
Ye deen e haq ye shareeat baqa pazeer na ho,
Jaha'n me'n kuch bhi na rah jaae gar GHADEER na ho!
----------------------------------------
GHADEER markaz e sidq o safa ko kahte hein,
GHADEER mamlakat e murtaza a.s ko kahte hein,
GHADEER manzil e ahle wafa ko kahte hein,
GHADEER eid e rasool e khuda saww ko kahte hein,
Bahaar e qalb ka qissa tamaam ho jaae,
Ye din na ho to tabassum haraam ho jaae!
----------------------------------------
Sahabiyat ki hasee'n shaam bhi GHADEER se hai,
Wiqaar e buzar o salmaan bhi GHADEER se hai,
Rago'n me'n khoon ka dauraan bhi GHADEER se hai,
Khuda parasto'n ki pehchaan bhi GHADEER se hai,
Koi nishaan koi khat koi lakeer nahi'n,
Waha'n pe deen nahi'n hai jaha'n GHADEER nahi'n!
----------------------------------------
Hui rasool saww ke haatho'n ada e farz e GHADEER,
Muhibbe aalam o imkaa'n hai tool e arz o GHADEER,
Utar sakega na ahl e falaq se qarz e GHADEER,
Balandiyo'n ke liye rahnuma'n hai arz e GHADEER,
Najoom taa'nk ke raushan jaha'n banae gaye,
Isi zamee'n ke liye aasma'n banae gaye!
----------------------------------------
Khuda jjh ke deen ko dirham me'n taulne waale,
Miyaan e kaasa e dil zahar gholne waale,
Zaba'n nifaaq ke lahje me'n kholne waale,
Khilaaf e sayyade laulaak bolne waale,
Tujhe lahad me'n aseer e azaab kar dega,
Ali a.s ka bughz hai mitti kharaab kar dega!
----------------------------------------
Munafiqo'n ko saza shola baar deta hai,
Talaash e daste ajal ko shikaar deta hai,
Bukhaar e bughz e wilayat utaar deta hai,
Har ek ahad ke haaris ko maar deta hai,
Najis qadam raah e mohlat ko modta hi nahi'n,
Khuda GHADEER ke dushman ko chodta hi nahi'n!
----------------------------------------
Nuzool e aafat o aalaam dekhte rahiye,
Sipaah e shaam ki phir shaam dekhte rahiye,
Tamaam hota hai bas kaam dekhte rahiye,
Hasad ke maaro'n ka anjaam dekhte rahiye,
Badan se parat e adawat utaar daalegi,
Inhe'n GHADEER ki mahfil hi maar daalegi!
----------------------------------------
Bahaar e husn e ibadat ka naam hai kaaba,
Kamaal e ishq o mubabbat ka naam hai kaaba,
Faheem e ramz e wilayat ka naam hai kaaba,
Ali a.s ki jaa e wiladat ka naam hai kaaba,
Jo log bughz e ali a.s me'n tawaaf karte hein,
Wo aaene ko siyaahi se saaf karte hein!
----------------------------------------
Mile nazar ko nazaara kaha'n ho husn e nazar,
Chala huzoor saww ko lekar buraaq e nek siyar,
Wo gaam gaam nishaani wo noor ka manzar,
Bada haseen hai meraaj e mustafa saww ka safar,
Wasi wazeer khalifa wali se milke chale,
Khuda jjh se milne gaye the ali a.s se milke chale!
----------------------------------------
Chidaa jo qissa e meraaj mu'nh banane lage,
Siyaah qalb pe baar e alam uthaane lage,
Bisaat shaazish e inkaar ki bichaane lage,
Ali a.s ka naam liya aap tilmilaane lage,
Falaq pe lahja e pur iltefaaq kiska tha,
Waha'n ali a.s nahi'n the to haath kiska tha!
----------------------------------------
Shaur e husn e talab ko jagana padta hai,
Faseel e daar pe khud ko sajana padta hai,
Lahoo jigar ka sina ko pilaana padta hai,
Kabhi kabhi to bhara ghar lutaana padta hai,
Guhar ye kaasa e kamzaat me'n nahin milta,
Ali a.s ka ishq hai khairaat me'n nahin milta!
----------------------------------------
Ameer e khum ki riyaya bulaayi jaaegi,
Badi hi dhoom se mehfil sajayi jaaegi,
Haraarat e dil e imaa'n badhaayi jaaegi,
Ali a.s ke naam pe jannat lutaai jaaegi,
Chaman chaman sar e mahshar kali kali hoga,
kasam khuda jjh ki waha'n bhi ali ali a.s hoga!
----------------------------------------
Naseeb sabko kaha'n hai shaaur e rindaana,
Har ek aabid o zahid hai iska diwaana,
Ba hasb e zarf e aqeedat milega paimaana,
GHADEER E KHUM me'n khula hai ajeeb maikhaana,
Falaq se  jashn e wila ke bahaane aate hein,
Yaha'n farishte bhi peene pilaane aate hein!
----------------------------------------
Bani hai ishq e janab e ameer me'n phir bhi,
Dhali hai marzi e rabb e qadeer me'n phir bhi,
Mili hai ahl e wila ke khameer me'n phir bhi,
Isi rasool saww ne pi hai GHADEER me'n phir bhi,
Udaas udaas hein nazre'n khtak rahi hai sharaab,
Sahabiyo'n ke gale me'n atak rahi hai sharaab!


↧

दुआ हदीस के आईने में

July 8, 2018, 6:11 pm
$
0
0


1. Imam Sadiq (as)
se puchha gaya ke Dua maangne ka sahi tariqa kya hai to aap ne farmaya, "Dua ki ibteda mein Khuda ki Hamd karo aur apne upar hone waali ne'maat ko yaad karo, phir Uska shukr bajaa lao, phir Rasule Khuda (saww) par Durood / Salwaat padho, phir apne gunaaho'n ka tasawwur karo aur unka iqraar kar ke Astaghfaar karo. Ye hai Dua ka sahi tariqa."
(Tafseer Noor us Saqlain, v7, p423)
2. Imam Ali (as):
Jab tak Muhammad (saww) aur Aal e Muhammad (as) par Salwaat na bheji jaaye, Dua aasmano'n mein chhupi rehti hai.
(Meezan ul Hikmah, v3, p482)
3. Rasule Khuda (saww):
Mujh par Salwaat bhejna tumhari Duao'n ki qubuliyyat ka sabab hai aur tumhare aamaal ki zakaat hai.
(Meezan ul Hikmah, v3, p481)
4. Imam Sadiq (as):
Jab tum ko Riqqat aa jaaye (Dil bhar aaye) to Dua maang liya karo kyun ki Riqqat tab paida hoti hai jab dil mein khuloos ho.
(Meezan ul Hikmah, v3)
5. Rasule Khuda (saww):
Jab tum Dua karo to pehle apni Dua mein doosre logo'n ka haq hai yaani pehle aam logo'n ke liye Dua karni chahiye taaki apni bhi Dua qubool ho.
(Aasmani Nasihatein, v1, p86)
6. Imam Hasan (as):
J. Fatima (sa) naam le le kar momin o momenaat ke liye Dua farmaati aur unke liye bahut bahut Dua karti magar apne liye koi Dua na karti. Jab iska sabab J. Fatima (sa) se puchha gaya to aap ne farmaya, "Pehle padosi, phir ghar".
(Elal ush Sharaaye, p137)
7. Imam Sadiq (as):
Jo shakhs 40 Momin ke haq mein Dua karne ke baad apne haq mein Dua karega, uski Dua zaroor qubool hogi.
(Khisaal, ch40)
8. Rasule Khuda (saww):
Jab koi shakhs doosro'n ke liye Dua karta hai to Arsh e Ilaahi se awaaz aati hai, "Aye doosro'n ke haq mein Dua karne wale shakhs, tere liye 2 laakh Farishte Dua karenge".
(Aasmani Nasihatein, v1, p86)
9. Imam Sadiq (as):
Jab koi Momin kisi doosre Momin ke liye tanhaai mein Dua karta hai, to uski balaayein tal jaayegi aur Rizq mein izaafa hoga.
(Mishkat ul Anwaa, p802)
10. Imam Kazim (as):
Jo shakhs apne Momeneen (aur Momenaat aur Muslemeen aur Muslemaat) mein se kisi bhai ke liye Dua kare to Allah Ta'ala HAR Momin ke badle ek Farishte ko muayyan farmayega jo uske haq mein dua karega.
(Sawaabul Aamaal, p176)
11. Imam Ali (as)
se Ibn Saba ne sawaal kiya, "Ya Ameerul Momeneen, kya ye sach nahi hai ke Allah har jagah maujood hai?"
Aap ne farmaya, "Haa'n, ye sach hai."
Usne kaha, "Phir hum log (Dua maangte waqt) aasmaan ki taraf haath kyun buland karte hain?"
Imam (as) ne farmaya, "Allah ne kaha hai AUR AASMAAN MEIN TUMHARA RIZQ HAI AUR JIN BAATO'N KA TUMSE WAADA KIYA GAYA HAI, SAB KUCHH MAUJOOD HAI (Surah Zaariyaat, Surah 51, Ayat 22). Humein Rizq uske mehwar (markaz / center) se talab karna chahiye. Ye aasmaan mein Allah ka waada hai."
(Tuhaf al Uqool, p135)
12. Rasule Khuda (saww):
Allah Ta'ala se is tarah Dua maango ke tumhein uski qubuliyyat ka yaqeen ho.
(Meezan ul Hikmah, v3, p495)
KAUNSI DUA NAHI MAANGNI CHAHIYE
13. Rasule Khuda (saww):
Ek shakhs ne ek din yu'n Dua ki, "Aye mere Allah, fulaa'n bande ko maaf na karna aur na hi bakshna".
Allah Ta'ala ne farmaya, "Aye Mere Bande, tu kaun hota hai ke Mujh par hukm chalaye ke Main fulaa'n ka maaf na karu'n. Main ne oos bande ko maaf kar diya hai aur is bad-dua karne wale ki sirf ye kehne ki wajah se ke 'Aye Allah, fulaa'n ko maaf na karna', Maine iske saare aamaal khatm kar diye hain".
(Amaali - Shaikh Toosi, v1, p159)
KAUNSI DUA NAHI MAANGNI CHAHIYE
14. Riwaayat:
Ek shakhs ne Dua maangte huwe arz kiya, "Parwardigaara! Mujhe Apni makhlooq mein kisi ka mohtaaj na kar".
Ye sun kar H. Rasule Khuda (saww) ne farmaya, "Aisa mat kaho, kyun ki koi shakhs aisa nahi jo logo'n ka mohtaaj na ho".
Usne kaha, "Phir main kaisa Dua maangu'n?"
Aap (saww) ne farmaya, "Yun kaho, Khuda Wanda! Mujhe Apni badtareen makhlooq ka mohtaaj na farma".
(Meezan ul Hikmah, v3, p500)
15. Imam Ali (as):
Tum mein se har ek jab Namaz se faarigh ho jaaye to apne haatho'n ko Dua ke liye aasmaan ki taraf buland karna chahiye aur Parwardigaar ke saath Dua mein israar karein.
(Aasmani Nasihatein, v1, p83)
16. Imam Sadiq (as):
Dua maangte waqt aasmaan ki taraf haath is liye uthhaye jaate hain kyun ki Allah ne jis Rizq ka tum se waada kiya hai wo aasmano'n mein hai. Quran e Kareem mein Surah Zaariyaat, Ayat 22 mein iska zikr hai.
(Aqwaal e Masoomeen (as), p92)
17. Imam Reza (as):
Allah Subhanhu har raat ke aakhri hisse mein aur shab e Juma ke ibtedaayi hisse mein ek Farishta naazil karta hai jo nida karta hai ke, "Hai koi Tauba karne wala ke jiski Allah Tauba qubool kare". Tuloo e fajr ke waqt wo waapis chala jaata hai.
(Aqwaal e Masoomeen (as), p136)


↧
↧

क़ुर्बानी हदीस के आईने में

July 8, 2018, 6:13 pm
$
0
0


1) Imam Sadiq (a.s.):
"Qurbaani sirf usi jaanwarki ki jaaye jo Zilhaj ke pehle Ashre me khareeda gaya ho."
(Man la yehzar al faqee , jild 2 , hadees 3087)
2) Imam Moosa Kazim (a.s):
"Ghar ke paale huwe jaanwar ki Qurbaani jaayez nahi hai."
(Man la yahzar al faqee , jild 2 , hadees 3064)
3) Imam Zainul Abideen (a.s):
"Qurbaani me se ek tihaai khud khaaye, ek tihaai (Rishtedaaro aur Padosiyo) ko tohfe me de aur ek tihaai tasadduq kare."
(Furu e kaafi, baab 185, hadees 3)
4) Imam e Sadiq (a.s):
"Qurbaani me
1) Ager bhedh ho to kam az kam 2 saal ki ho aur maada behter hai .
2) Agar bakri ho to 2 saal se ziyada ki ho aur narr behter hai aur ager narr na ho to bhedh behter hai.
3) Ager mainda ho to 'kala' ho, beseengh ho, Narr ho, Mota taaza aur tandarust ho.
4) Cow ho to 2 saal se kam ki na ho aur maada behter hai .
5) Oonth ho to kam az kam 2 daant wala ho aur maada behter hai."
(Furu e kaafi, baab 180, hadees 1 to 5)
5) Imam Jafar e Sadiq (a s):
"Kin jaanwaro ki qurbaani jaayez nahi
1) khassi , lekin agar koi doosra jaanwer dastiyaab na ho to jaayez hai, magar behter hai k aisi soorat me bhedh zibah kiya jaaye.
2) Jiska kaan phata ho ya kata ho.
3) Kaana ho ya koi aur aib ho.
4) Qurbaani ke jaanwar ki khaal agar daagne se jali ho to theek hai , lekin agar waise phat gayi ho to jaayez nahi hai.
5) Jo langda ho, dubla ho, kharish ( khujli ) ho ya seengh toota huwa ho, haa agar seengh ka daakhili hissa sahi hai to koi harj nahi."
(Furu e kaafi , baab 180 , hadees 5 to 13)
6) Rasoole Khuda (saww):
"Qurbaani ki khaal qassab ko hargiz nahi deni chaiye balke use sadqa kardena chaiye."
(Furu e kaafi, baab 186 , hadees 1)
7) Imam e Sadiq (a s):
"Eid ul azha ke din Qurbaani karna waajib hai, har us shaks per jisko jaanwar mil jaaye, chota ho ya bada."
(Man la yahzar ul 5faqee, jild 2 , hadees 3044)
8) Rasoole Khuda (saww):
"Qubaani k liye qarz lena jaayez hai aur aisa karz Allah khud ada kerta hai."
(Man la yahzar ul faqee, jild 2 , hadees 3045)
9) Imam Sajjad (as):
Jab Haji Qurbaani ka jaanwar zibah karta hai, to ye uski taraf se Jahannum ka fidya ban jaata hai.
(Wasaail ush Shia, v10, p88)
10) Riwaayat:
Ek martaba H. Ummul Momeneen H. Salma Rasule Khuda (saww) ki khidmat mein haazir huwi aur arz kiya, "Ya Rasulallah (saww), Qurbaani ka din aa pahuncha lekin mere paas Qurbaani ka jaanwar kharidne ke liye raqam nahi hai, to kya main qarz lekar Qurbaani karu'n?"
Aap ne farmaya, "Qarz le lo aur oos qarz ko Allah ki taraf se adaa-shuda samjho."
(Man La Yahzarahul Faqeeh, v2, p290)
11) Imam Reza (as):
Agar Allah ne Dumbe (sheep) se behtar koi cheez paida ki hoti to oosi ko Janabe Ismail (as) ka fidya qaraar deta.
(Wasaail ush Shia, v17, p52)
12) Imam Sadiq (as):
Tumhari Qurbaani ke jaanwar mote hone chahiye, kyun ki Imam Baqir (as) is cheez ko mustahab jaante the ke Qurbani ka jaanwar mota ho.
(Wasaail ush Shia, v10, p100)
13) Riwaayat:
Rasule Khuda (saww) Qurbani ke din 2 mendhhe (sheep) zibah karte the, ek apni taraf se aur doosra apni ummat ke oon logo'n ki taraf se jo qurbani nahi kar sakte. Aur Ameerul Momeneen (as) 2 mendhhe (sheep) zibah karte the, ek apni taraf se doosra Rasulallah (saww) ki taraf se.
(Furoo e Kafi, v4, p422)
14) BACHCHO'N KE HAATHO'N SE QURBANI KARWANA MUSTAHAB HAI
Imam Sadiq (as):
H. Ali ibne Husain (Imam Sajjad) (as) bachche ke haath mein chhuri pakadwaate the aur phir zaabeh (zibah karne wala shakhs) uske haatho'n par haath rakh-kar jaanwar ko zibah karta tha.
(Wasaail ush Shia, v10, p119)
15) Rasule Khuda (saww):
Apni Qurbani ke zibah ke waqt haazir raho, kyun ki jab Qurbani ke jaanwar ke khoon ka pehla qatra zameen par girta hai to uski barkat se Khuda har gunaah aur har lagzish (galati) maaf kar deta hai…
(Wasaail ush Shia, v10, p120)
16) Imam Reza (as):
Nabi e Akram (saww) par Durood / Salwaat bhejna har maqaam par zaruri hai; chhi'nk ke waqt aur jaanwar ko zibah karne ke waqt bhi Durood Shareef padhna chahiye.
(Tafseer Noor us Saqlain, v7, p39)


↧

जुमा के दिन सफर करना

July 8, 2018, 6:14 pm
$
0
0


Imam Baqir (a.s)
Jo musafir sawaab ki niyyat se Namaz e Juma padhega to Allah usko 100 Namaz e Juma qaayam karne ka ajr dega.
(Amaali - Shaikh Sadooq, p20)
Imam Naqi (a.s)
Jume K Din Us Waqt Tak Safar Na Karo, Jab Tak Namaz-e-Juma Adaa Na Kar Lo.
(Masjid p.92)
Imam Sadiq (a.s)
Jo chal kar Namaz e Jumma ki taraf jayega, Allah uske jism ko Jahannum par haraam qaraar de dega.
(Wasaail ush Shia, vol 5 page 36)
Imam Reza (a.s)
Us Shakhs Ke Liye Khatra Hai Ke Salamat Na Rahe, Jo Roze Juma Namaz e Juma Padhne Se Pehle Safar Kare.
(Masjid p.92)



↧
Search

DASTARKHWAN PAR ZYADA DEYR TAK BAITHHNA MUSTAHAB HAI

July 8, 2018, 6:17 pm
$
0
0



Imam Sadiq (as):
Jab koi qaum khana khaa rahi ho to Khuda uspar kabhi Azaab naazil nahi karta, kyun ki Allah Ta'ala is se kahi'n Ajall o Akram (glorious and generous) hai ke unhe khane ke liye Rozi de aur phir unko Azaab de jab tak faarigh na ho jaaye.
(Wasaail ush Shia, v16, p323)
 Imam Ali (as)
…Aye Kumail! Jab khana khane baithho to usay tuul do (prolong / zyada deyr tak baithho) taaki tumhare saathi bhi peyt bhar kar kha le. Aye Kumail! Jab khana kha chuko to Allah ki Rozi par uski Hamd o Sanaa karo aur ba-awaaz e buland karo taake doosre bhi uski Hamd karein is tarah tumhara Ajr (sawaab) zyada hoga. Aye Kumail! Apne peyt ko khane se na bharo balke usme paani aur saa'ns lene ki gunjaaish rakho.
(Wasaail ush Shia, v16, p324)


↧

Ne'maat ki zyada ummeed

July 8, 2018, 6:18 pm
$
0
0


1. Imam Reza (as)
se sawaal huwa ke Mareez aur Musafir Namaz e Shab raat ke pehle hisse mein padh saktey hain, aakhir iski kya wajah hai?
Imam (as) ne farmaya, "Musafir ko uske safar ki wajah se iski ijaazat di gayi hai aur mareez ko uski beemari ki wajah se uski ijaazat di gayi aur maqsad ye hai ke mareez raahat ke waqt aaraam se soya rahe aur musafir ne agar pichhle peher (late night) safar karna ho to wo bhi sukoon se safar kar sakey".
(Uyoon Akhbaar ar Reza, v2, p241)
2. Imam Ali (as):
Khuda ki oon Ne'maat ki zyada ummeed rakkho jo tumhare wahem o gumaan (soch) mein bhi na ho'n, kya tum nahi dekhte ke jaadugar chahte the ke unhe Firoun ki nazdeeki haasil ho lekin Allah ne unhe Imaan aur Shahadat ki daulat se malamaal kar diya.
(Tafseer Noor us Saqlain, v3, p426)
3. Imam Ali (as):
...Musa bin Imran (as) apne khandaan ke liye aag lene gaye to Khuda unse hum-kalaam huwa aur Musa (as) Nabuwwat ke saath waapas huwe. Malika e Saba apne mulk se baahar gayi aur Islam se musharraf huwi aur Suleman (as) ki zaujiyat mein aa gayi aur Firoun ki izzat badhaane ki khaatir jaadugar jab Misr gaye to Imaan ki quwwat unhein mil gayi.
(Amaali - Shaikh Sadooq, p175)
4. Imam Ali (as):
Kabhi kabhi bando’n ki Duao’n ke qubool hone mein is wajah se bhi taakhir (deri) hoti hai ke Dua karne waalo’n ko aur  zyada zyada bada Ajr (inaam) miley aur Khuda uski ummeed se zyada bakshish kare.
(Jaame ul Akhbaar, p232)
5. Imam Sadiq (as):
Sehat o Aafiyat (health and safety) ek aisi ne'mat e khafi (chhupi huwi ne'mat) hai ke jab tak maujood rehti hai, oos waqt tak log usko bhulaaye rehte hain aur jab wo kho jaati hai to usay yaad kiya jaata hai.
(Man La Yahzarahul Faqeeh, v4, p314)
6. Imam Sadiq (as):
Jo banda aaraam ke waqt apne bistar par jaa kar 100 baar 'La Ilaha Illallah' kahe to Khuda uske liye Behisht mein ghar banata hai aur jo koi oos waqt 100 baar Astaghfaar kare to uske gunaaho'n ko is tarah oos se giraa diya jaata hai jis tarah darakht ke patte khizaa'n mein girte hain.
(Amaali - Shaikh Sadooq, p195)
7. Imam Ali (as):
Ye na socho Allah Dua fauran qubool kyun nahi karta, ye shukr karo ke Allah tumhare gunaaho'n ki sazaa fauran nahi deta.
(Aqwaal e Masoomeen (as), p92)
8. Imam Sadiq (as):
Khuda se itne zyada ummeedwaar mat ho jaao ke gunaaho'n par diler ho jaao aur na hi itne khauf-zada ho jaao ke Uski Rehmat se maayus ho jaao.
(Amaali - Shaikh Sadooq, p23)


↧
↧

Hadith on Pregnancy khajoor

July 8, 2018, 6:20 pm
$
0
0


1. Rasule Khuda (saww):
Jab kisi aurat ke yahaa'n wiladat ho (bachcha paida ho) to usay chahiye ke wo meethhi khajoor (dates) ya chhuaare khaaye kyun ki agar is se behtar koi cheez hoti to Allah Ta'ala H. Isa (as) ki Wiladat ke waqt usay H. Mariyam ko khilata.
(Tibb e Nabi Akram (saww), p15)
2. Imam Ali (as):
Haamela (pregnant) aurat ke liye giza aur dawaa ke taur par KHAJOOR se afzal koi cheez nahi! Allah Ta'ala ne H. Maryam (sa) se farmaya, "Tum Khajoor ke darakht ki tehni ko hilaao, tum par pakey aur taaza khajoor girenge, to tum usko khaao, piyo aur apni aankh thhandi karo" (Surah Maryam, Surah 19, Ayah 25)
(Khisaal, p423)


↧

Halal, Mustahabb, Mubah, Makrooh & Haram

July 8, 2018, 6:23 pm
$
0
0


There are two main categories in Islam; Halal (permissible) and haram (forbidden). What is halal is divided into 4 sub-divisions based on the way in which they were made allowable.
1. Wajib/Fard = obligatory: 
It is something that must be done, if we do it we’re rewarded for it if we don’t (on purpose) we’re punished for it, if we don’t repent. Allah has told us what is wajib Quran [59:7] and Quran [5:97]. It is wajib to worship Allah alone and follow His commands.
The purpose behind the category of wajib acts is:
1) To identify for humans the absolutely essential acts which we must do in order to help us succeed in both this life and the next.
2) To train the beliver in submission to God, which is the foundation of righteousness.
3) To provide a basic framework of righteous deeds for the believers life.
2. Mustahabb = recommended: 
These are acts which are encouraged by the Prophet (sawa). If we do them we’re rewarded, if we don’t we’re not punished no matter what. These acts are here to help us get used to obey Allah and His Prophet (sawa), and by the doing the mustahabb acts the wajib acts will be easier for us to do. Acts classified as Mustahabb are those which
a) The Prophet (as) used to do regularly,
b) those he recommended,
c) those who were wajib but later made mustahabb, for example ghusl on Fridays were fard but not anymore and
d) thise which he prohibited and then later recommended, like visiting the graves.
The purpose behind the mustahabb acts is:
1) To identify certain beneficial acts which humans may not necessarily realize,
2) To train humans in obeying God. Each compulsory act is as equivalent as an recommended version.
3) To protect the wajib acts with a shield of other good acts. If a believer becomes weak and neglect acts, it would be from the mustahabb that he does so and not the wajib ones.
4) To provide a body of good deeds which can make up for deficiencies in the wajib acts.
3. Mubah = allowed: 
These are some acts that are allowed and they don’t affect our faith or relationship with God.
4. Makrooh = disliked: 
If we don’t do these acts we will be rewarded, but if we do them there is no punishment. But it is better to avoid them because they may be harmful for us and they can lead to haram actions.
The purpose behind makrooh acts:
1) To protect us from some harmful acts if we abstain from the makrooh to begin with,
2) Avoiding it trains man in self-control and it’s easier to avoid haram acts if you avoid the makrooh and
3) To place a barrier between the believer and the haram acts so that in times of weakness a person would only fall into the disliked rather than the forbidden.
5. Haram = forbidden:
An act is haram if Allah or His Messenger (sawa) ordered us not to do it, without making any exceptions. If we avoid these acts we are rewarded if we don’t we are punished.
The purpose behind the haram acts is:
1) To protect man from things which are extremely harmful to him and society, either physically or spiritually.
2) To test mans faith and differentiate between true believers, weak believers and disbelievers,
3) To help develop mans awareness of Allah by forcing him to refrain from certain acts even though he may not be able to perceive the harm in it.


↧

Shab e jummah Amaal for Marhumeen

July 8, 2018, 6:24 pm
$
0
0


💁Har shabe jumma:
2⃣rakat namaz padhe, jiski niyat  hadiye 👼marhoomin ki kare.
👉phli rakaat me Al Hamd k baad Sure Inna anzalna  padhe.
👉dusri rakat me sure Kausar padhe aur
📆pure hafte k marhumin ko baksh de.
🎍Isse unko sawab milega aur wo hamare haq me 🎎 dua karenge jo radd na hogi!!
🎓Maulana Abid Bil Girami Sahab.
Shabe Jumma
Recite 10times:
Ya daayemal fazale alal baritaate
Ya basaytal yadaine
Bil atiyate
Ya sahebal mawahebis saniyate
Sallay alaa maihammadin
Wa aalehi khairil wara
Sajiyaatan wagh fir lana
Ya zeal aula fi hazehil aashiyaat.
🌹Imam Jafar Sadiq(as):
Jo koi bhi ye dua Shabe Juma ko 10 baar padhe
Allah(swt) apne malaeka ko jama karta hai aur farmata hai
" Agar maine is dua padhne wale ko aaj nahi baksha to mai oska khuda nahi"


↧
Viewing all 658 articles
Browse latest View live
Search
<script src="https://jsc.adskeeper.com/r/s/rssing.com.1596347.js" async> </script>